Baton Haxhiu: Albin Kurti e shkatërroi Vetëvendosjen

Analisti njëherësh drejtor i Klan Kosovës, Baton Haxhiu, tha se Albin Kurti është krijim medial në vitin 1997.

“Albin Kurti asnjëherë s’ka qenë i ftuar në Klan Kosova, por ka qenë dëshirë e Vetëvendosjes që ai të jetë në TV. TV Klan Kosova ka qenë e hapur për të gjithë. As kjo nuk i ka mjaftuar atij. Në krizën morale të Vetëvendosjes e gjejnë një armik të jashtëm për të harruar gjendjen e brendshme. Z.Kurti harroi pafuqinë  e tij që ata që janë të pakënaqur dhe gjen armikun e brendshëm, ai harron strukturën e dështuar të veprimit të tyre. Natyrisht ky njeri e bëri atë që  e  bëjnë kryetarët e këqij”, tha Haxhiu në debatin RTK-së.

Sipas tij diskursi i Z.Kurti është i njëjtë me  atë të Sheshelit në Serbi.

“Është njeriu që e ka shkatërruar dhe e ka bërë të pa dobishme Vetëvendosjen. Ai ka pasur shansin që ta ruaj VV-në. Institucionet e Kosovës i’a kanë falur pa ndëshkuashmërinë”, theksoi ai.

Haxhiu tha se diskursi i Albin Kurtit është gënjeshtër dhe linçues.

“Ky krijon armik të jashtëm për të ruajtur pozicionin e tij të brendshmëm”, tha Haxhiu.