Në mungesë të kushteve, seanca gjyqësore në rastin e të akuzuarve për narkotik Ilir Kamberi dhe J.S. nuk është mbajtur.
Seanca nuk u mbajt pasi që munguan dy të pandehurit dhe prokurori i rastit, Ismet Ujkani.
Kryetari i trupit gjykues të Gjykatës Themelore të Mitrovicës, Burim Ademi, tregoi se ftesat u janë dërguar të pandehurve.
Sipas gjyqtarit, për të pandehurin J.S., Gjykata kishte lëshuar kërkesë për Policinë që të njëjtit t’i dorëzohet ftesa, raporton KALLXO.com.
Mirëpo, polici i Njësisë së ekzekutimit të urdhëresave në Mitrovicë ka njoftuar kryetarin e trupit gjykues se i pandehuri rezulton të ketë ndërruar jetë në vitin 2011, që nga Policia konsiderohet si vdekje e dyshimtë.
Në këto rrethana, gjyqtari Ademi kërkoi nga Policia dorëzimin e raportit e po ashtu sigurimin e certifikatës së vdekjes për këtë të pandehur.
Ndërsa, lidhur me të pandehurin Ilir Kamberi, gjyqtari tregoi se i është dërguar ftesa dhe sipas fletë-kthesës atë e ka pranuar një familjar i tij.
Të njëjtit, Gjykata do t’i dërgojë ftesën përmes Policisë, raporton KALLXO.com.
Dhe, në rast se rezulton se i pandehuri nuk e ka pranuar ftesën për rrethana që ai nuk gjendet në vend atëherë Gjykata do të lëshojë urdhër-arrest, përkatësisht do të lëshojë fletë-rreshtim vendor apo ndërkombëtar deri në sigurimin e prezencës së tij.
Sipas aktakuzës së ngritur nga atëherë Prokuroria e Qarkut në Mitrovicë Ilir Kamberi pasi që ishte furnizuar me substanca narkotike të llojit heroinë në vende të panjohura i ka përdorur ato për shitje dhe shpërndarje.
Ndërsa, i pandehuri J.S. prej fillimit të vitit 2009 deri më 5 tetor 2009 ishte furnizuar me këto substanca tre herë.
I njëjti me qëllim të shitjes kishte blerë nga Ilir Kamberi 20 paketime me nga 1 gram për shumën 200 euro e pastaj këtë substancë ua ka shitur personave të tjerë.
Me këtë, sipas aktakuzës, ata kanë kryer veprën penale blerja, posedim, shpërndarja dhe shitja e paautorizuar e narkotikeve të rrezikshëm dhe substancave psikotropike.
Nëse del që i pandehuri J.S. vërtetë ka vdekur para 6-7 vitesh atëherë ky nuk është gabimi i vetëm i kësaj natyre nga gjyqësori i Kosovës.
Promo
Reklamo këtuLufta Prigozhin - Putin
Më shumëAllen përmend Asociacionin, e ndërlidh me rrugëtimin euroatlantik të Kosovës
Arratiset Enver Sekiraqa, policia ka informuar të gjitha vendkalimet kufitare
Kosova nënshkruan marrëveshje me SHBA-të kundër manipulimit të informacionit nga shtetet e huaja
Najçevska: Pse është kaq e rëndësishme që kryetari i parlamentit të jetë shqiptar
Arratisja e Enver Sekiraqes, flet avokatja e tij
Policia ndalon një serb në Leposaviq, kishte veshur uniformë ushtarake të Serbisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare