Vodhën një miliard dollarë me vetëm një “Po” në një copë letre

Kur trupat amerikane hynë për herë të parë në Bagdad në fillim të prillit 2003, grabitësit tashmë kishin hyrë në Bankën Qendrore të Irakut. Atje ata mund të gjenin shumicën e rezervave valutore kombëtare, por nuk arritën të thyen kasafortat ku shumica e parave ishin fshehur.

Megjithatë, pak më herët ishte kryer një nga grabitjet më të mëdha të bankave në histori. Rreth 1 miliard dollarë gjatë natës u nxorën nga kasafortat e bankave.

Në fakt, në mëngjesin e hershëm të 18 marsit, në të njëjtin vit, tre kamionë të mëdhenj iu afruan bankës. Një burrë tregoi një copë letre me një nënshkrim dhe grabitja mund të fillonte. U nevojiten disa orë për të bartur mbi 900 milionë dollarë dhe 100 milionë euro, të paketuara në mënyrë të rregullt në kuti metalike. Njeriu me letrën ishte Qusay Hussein, dhe në letër ishte mbishkrimi i Saddam Hussein, babai i Qusay dhe ish-diktatori i atëhershëm.

Në letër vetëm shkruhej se ishte e nevojshme të tërhiqeshin aq shumë para që ato të mos binin në duart e pushtuesve të huaj.

“Sapo të merrni një komandë nga Saddami, mos diskutoni më shumë”, kishte përshkruar më vonë për New York Times një nga zyrtarët e lartë, shkruan Ozy.

Ndërsa amerikanët mësuan se një e katërta e rezervave të parave të gatshme ishin zhdukur nga banka qendrore, ata me të drejtë nisën të pyesin se si do të shpenzonte Saddami ato para. Frika më e madhe ishte se ai do të financonte kryekomandantë kundër amerikanëve. Megjithatë, kur në pallatin e djalit të dytë të Saddamit, Uday, u gjetën 650 milionë dollarë në të holla, ata besuan se gjetën shumicën e atyre parave. Më vonë paratë dolën të jenë rezerva private të Udaye.

Paratë nuk u zhdukën pa gjurmë dhe disa qindra milionë dollarë u zbuluan së shpejti në një nga pallatet e Saddamit. Amerikanët dërguan paratë për numërim në Kuvajt dhe këtu historia merr një kthesë të parashikuar.

Uashingtoni zyrtar kërkoi kthimin e parave në bankën qendrore nga ku ishin marrë, por autoritetet amerikane në Irak vendosën të konfiskojnë paratë dhe t’i ndajnë me diskrecionin e tyre.

Qindra mijëra dollarë u shfaqën në llogaritë e Richard Fuller, i cili ishte përgjegjës për numërimin e dollarëve amerikanë në Falluxha. Kapiteni Michael Ngyuen “humbi” rreth 700,000 dollarë, dhe autoritetet dyshuan kur ai me para kesh pagoi blerjen e BMW dhe Hummer pasi u kthye në shtëpinë e tij, në Oregon. Askush nuk e di se sa para nga banka qendrore irakiane përfunduan në xhepat e dikujt. /kp/