Komiteti qendror i OBRM-PDUKM-së kundër organizimit të Kongresit dhe zgjedhjes së kryetarit të ri

Lideri i OBRM-PDUKM-së ka dorëzuar dorëheqje të parevokueshme para Komitetit qendror, por anëtarët të cilët kanë votuar në mënyrë publike, nuk kanë pranuar të shkohet në Kongres të jashtëzakonshëm për të zgjedhur kryetar të ri. Vetëm tridhjetë anëtarë të Komitetit qendror të OBRM-PDUKM-së kanë votuar “për” dorëheqjen e Nikolla Gruevskit dhe mbajtjen e Kongresit, derisa pjesa tjetër kanë votuar kundër, gjegjësisht janë shprehur se janë kundër dorëheqjes së tij nga pozita e kryetarit të partisë.

Nga 130 anëtarë të Komitetit qendror të OBRM-PDUKM-së, të pranishëm kanë qenë 112, ndërsa pas rezultatit të këtillë është propozuar pauzë që ekspertët juridik të mund të elaborojnë se si duhet të veprohet më tej, duke pasur parasysh se vendimi ka qenë kundër mbajtjes së Kongresit dhe kundër dorëheqjes së Gruevskit nga kreu i partisë.

Burime të A1on sugjerojnë se ka dy alternativa të mundshme, njëra është qëndrimi i Gruevskit në pozitën aktuale, ndërsa e dyta është që pa organizim të Kongresit, OBRM-PDUKM të ketë u.d. kryetar. Me këtë mënyrë Gruevski do të kishte kontrollin mbi partinë dhe kohë për rehabilitim dhe kthim në pozitën e parë në kongresin e rradhës./Telegrafi/