Valuta virtuale e bazuar në pasuritë e shtetit, si shpëtim për krizën dhe luftën ekonomike me SHBA-të!?

Presidenti i Venezuelës, Nicolas Maduro, njoftoi futjen e monedhën virtuale “Petro”, për të luftuar bllokadën financiare të Shteteve të Bashkuara të Amerikës.

“Ju njoftoj se Venezuela do të nis një sistem të ri kriptovalutës të bazuar në rezervat e naftës. Venezuela do të krijojë valutën ‘Petro’, për të avancuar në drejtim të pavarësisë monetare dhe në qasjen në transaksionet financiare – pavarësisht bllokadës financiare”, tha Maduro në fjalimin e tij javor televiziv.

Përveç naftës (Venezuela zotëron rezervat më të mëdha të saj në planet), monedha e re virtuale do të bazohet edhe në gaz, në ar dhe në diamant, transmeton Telegrafi.

✅#Anuncio "#Venezuela crea el Petro, una criptomoneda para realizar sus transacciones financieras y buscar nuevas formas de financiamiento. El Petro se va a llamar. Nos incorporamos al mundo del siglo XXI. Pdte. @NicolasMaduro #DomingosConMaduro98 #VenezuelaTriunfaEnDialogo pic.twitter.com/ITxD9NFtdP

— Prensa Presidencial (@PresidencialVen) December 3, 2017

“Kjo do të na mundësojë të përparojmë në forma të reja të financimit ndërkombëtar, për zhvillimin ekonomik dhe social të vendit”, shtoi Maduro.

Vendi i cili është duke luftuar me rënien e çmimeve të naftës nga e cila tërheq 96 për qind të devizave, është detyruar për të ristrukturuar borxhin e jashtëm të vlerësuar në rreth 150 miliardë dollarë, teksa popullsisë i mungon ushqimi dhe ilaçet sepse nuk kanë para për importet e tyre.

Karakasi akuzon Uashingtonin për “persekutim financiar”, pasi presidenti i SHBA-ve, Donald Trump, në fund të gushtit i shpalli sanksionet ekonomike kundër Venezuelës. Valuta e Venezuelës, bolivari, ka devalvuar me 95.5 për qind në raport me dollarin, ndërsa inflacioni ka arritur në 825.7 për qind në vit. Vetëm në tetor, indikatori i jetesës është rritur për 45.5 për qind.

Ndonëse ky vendim për valutën e re virtuale të shtetit konsiderohet i papritur dhe unik, analistët e huaj besojnë se Venezuela është në krizë ekonomike për shkak të përpjekjeve të qeverisë për të kontrolluar ekonominë. /Telegrafi/

#EnVideo 📹 | Creado Observatorio de BlockChain de Venezuela, base institucional, política y jurídica para la criptomoneda venezolana: El Petro #DomingosConMaduro98 pic.twitter.com/2XgTBoo9ca

— VTV CANAL 8 (@VTVcanal8) December 3, 2017