Spasovski: Buxheti i vitit 2018 paralajmëron kushte më të mira për të punësuarit dhe pajisje të re

Në konferencën e sotme për shtyp, ministri për punë të brendshme, Oliver Spasovski i prezantoi prioritetet kyçe të Ministrisë për punë të brendshme, por në prizmën e Buxhetit të kësaj ministrie për vitin 2018.

“Siguria e shtetit dhe qytetarëve është puna më e rëndësishme, dhe pikërisht për këtë arsye mjetet e buxhetit të ministrisë do të orientohen në atë drejtim. Prioritet tjetër për këtë Ministri është edhe kujdesi për të punësuarit. Kushtet në të cilat punojnë policët nuk janë në nivel kënaqës dhe ata duhet të përmirësohen. Filluam me blerjen e uniformave dhe pajisjeve të punës dhe këto furnizime do të vazhdojnë edhe në të ardhmen”, tha ministri.

Spasovski vazhdoi duke thënë se policët punojnë në kushte nën-standarde të cilat reflektohen negativisht në shëndetin e tyre dhe pikërisht për këtë janë ndarë 40 milionë denarë me të cilët gjatë vitit të ardhshëm do të rindërtohen dhe rregullohen stacionet policore në tërë vendin, duke shtuar se polici e kënaqur nënkupton qytetarë të sigurt dhe për këtë shkak investohet në polici.

Spasovski theksoi se këtu theks i veçantë do të vendoset në luftën kundër krimit të organizuar, terrorizmit dhe ekstremizmit të dhunshëm./Telegrafi/