Publikohet biseda e fshehtë mes Millosheviqit dhe Mlladiqit (Audio)

Në ditën e sotme të vitit 1996, gjenerali serb Ratko Mlladiq, kundër të cilit Gjykata Ndërkombëtare për krime lufte ngriti padi në 25 korrik të vitit 1995, ishte shkarkuar nga pozita e komandantit të Shtabit të Përgjithshëm të ushtrisë serbe në Bosnje e Hercegovinë.

Mlladiq kishte mbajtur këtë pozitë nga 12 maji i vitit 1992, kurse në rrjetet sociale është shfaqur një audio incizim, ku dëgjohet një bisedë e fshehtë mes tij dhe Sllobodan Millosheviqit, transmeton Telegrafi.

Në këtë bisedë mund të dëgjohet se si Millosheviqi e siguronte Mlladiqin se në asnjë mënyrë nuk do ta ekstradonte në Tribunalin e Hagës.

“Dua të them se për asnjë arsye nuk do të lejoja dikë të ekstradoj në Tribunalin e Hagës, pasi do të ishte turpi më i madh kombëtar për popullin tonë”, dëgjohet Millosheviqi duke i thënë gjeneralit Mlladiq.

“Është budallallëk të mendosh se nuk guxon të vish këtu, nga frika se dikush mund të arrestojë dhe dorëzojë në Tribunalin e Hagës”, ka shtuar Millosheviq.

Se çfarë e kishte porositur dhe cili është qëndrimi i tij karshi Karaxhiqit dëgjohen audio incizimin. /Telegrafi/