Buxhet i ulët për mjedisin jetësor në Maqedoni, reagojnë OJQ-të

Vetëm 0,4 për qind e buxhetit për vitin 2018 janë ndarë për mbrojtje të mjedisit jetësor, që është niveli më i ulët deri më tani, theksojnë nga “Koalicioni O2” për ajër të pastër.

“Në buxhetin më të madh deri më tani, ku me shumë të konsiderueshme marrin pjesë tatimet lidhur me mjedisin jetësor dhe akcizën e rritur të naftës, ne kemi përqindje më të ulët të mjeteve të ndara për mbrojtjen e mjedisit jetësor. A ka ndonjë të arsyeshëm dhe të drejtë në shtet? Këtu nuk kërkohet diçka më tepër, por ajo që vijon, midis 2,5 – 4,4 për qind për mbrojtje të mjedisit jetësor dhe 1,75 – tre për qind për MMJPH. Për dallim nga 0,4 dhe 0,28 për qind të ndara. Të kishim gjyqësi normale, institucionet do të përgjigjeshin për keqpërdorim dhe ridedikim të mjeteve të caktuara dhe të grumbulluara në bazë të mjedisit jetësor”, theksojnë nga “Koalicioni O2”, përcjell Telegrafi Maqedoni.

Ata më tej shtojnë se për zvogëlimin e ndotjes, problemi më famëkeq, për vitin 2018 janë ndarë vetëm 11 për qind nga shuma e dedikuar për mbrojtjen e mjedisit jetësor, gjegjësisht 1,7 milionë euro, nga të cilat, për uljen e ndotjes së ajrit edhe atë së bashku me monitorim vetëm 635 mijë euro.

“Ministria e Mjedisit Jetësor dhe Planifikimit Hapësinor për Buxhetin për vitin 2018 ka kërkuar 14,4 milionë euro, ndërsa Ministria e Financave ka lejuar më pak se 10,7. Përkujtojmë se Qeveria dy herë e ka ulur buxhetin vjetor të MMJPH, i cili, është kyç për uljen e ndotjes”, thonë nga “Koalicioni O2”./Telegrafi/