Në seancën fillestare të gjykimit të Ukë Rugovës për vizat, është kërkuar veçimi i procedurës ndaj tij.
Në seancën fillestare ndaj Ukë Rugovës dhe 19 të akuzuarve të tjerë për lëshimin e paligjshëm të vizave italiane shengen në shkëmbim të përfitimit material, është prezantuar trupi gjykues me kryetar gjyqtarin Petkov dhe gjyqtarët Selek e Jashari si anëtarë të trupit gjykues.
Edhe pse në seancë munguan të akuzuarit Liridona Beqiri, Azad Beqiraj dhe Hamza Beqiri, kryetari i trupit gjykues propozoi që të veçohet procedura për katër nga të akuzuarit: Ukë Rugova, Izet Beqiri, Florjan Petani dhe Qefser Baholli.
Sipas aryetimit të prezantuar nga gjyqtari Petkov, propozimi për veçim të procedurës bëhet me arsyetimin e shqyrtimit më të shpejtë të çështjes, para se të përfundojë misioni i EULEX-it në Kosovë.
“Ju e dini që misioni i EULEX-it përfundon në qershor të vitit 2018, dhe ne duhet të përfundojmë këtë gjykim para kësaj kohe. Përndryshe, nëse nuk përfundohet gjykimi para kësaj kohe, çështja do të duhej të fillonte nga zeroja”, tha gjyqtari Petkov, në arsyetimin e propozimit.
Në fjalën e tij, prokurori Casnick kundërshtoi propozimin e trupit gjykues me pretendimin se aktakuza ndaj 20 të akuzuarve është e ndërlidhur dhe gjykimi nuk do te ishte më efikas nëse veçohet procedura ndaj katër të akuzuarëve.
“Rasti dhe provat në këtë çështje penale janë të ndërlidhura njëra me tjetrën dhe nuk do të jetë efikase nëse procedura veçohet”, tha në kundërshtimin e tij, prokurori Casnick.
Mbrojtësi i Ukë Rugovës kërkoi më shume kohë për të vlerësuar një propozim të tillë, ndërkaq mbrojtësi i Izet Beqirit, avokati Besnik Berisha mbështeti propozimin e trupit gjykues duke thënë se i mbrojturi i tij beson gjykatës dhe beson në vënien e drejtësisë në këtë gjykim.
Mbrojtësit e të akuzuarve te tjerë patën mendime të ndryshme lidhur më propozimin.
Kryetari i trupit gjykues u dha një afat prej 7 ditësh të akuzuarve dhe mbrojtësve të tyre për të dhënë mendim lidhur me propozimin.
Njëherësh, theksoi se sot nuk mund të caktojë një datë për të filluar seancën fillestare.
Së bashku më Ukë Rugovën në këtë rast janë të akuzuar edhe Izet Beqiri, Florjan Petani, Qefser Baholli, Astrit Haraqija, Fitim Beqiri, Azad Beqiraj, Liridona Beqiri, Kujtim Avdyli, Ragip Gashi, Visar Beqiri, Hamza Beqiri, Azem Koskoviku, Edison Idrizaj, Beg Shaqiri, Hasan Shaqiri, Driton Voca, Valon Selimi, Fadil Ahmeti dhe Haxhi Islami.
Në këtë proces gjyqësor, djali i ish-Presidentit Rugova, akuzohet lidhur me lëshimin e paligjshëm të 556 vizave italiane shengen.
Sipas aktakuzës, Ukë Rugova ka krijuar organizuar, mbikëqyrur, menaxhuar ose drejtuar aktivitetet e një grupi kriminal qëllimi i të cilit ishte përfitimi material duke furnizuar individë me viza Schengen nga Ambasada Italiane në Prishtinë, të cilat janë marrë në mënyrë të paligjshme ose përmes korrupsionit.
Gjithnjë sipas aktakuzës, nga 31 korriku 2012 deri më 5 shkurt 2014, Ukë Rugova ka udhëhequr grupin kriminal në marrjen e 556 vizave italiane Shengen nga Ambasada e Italisë në Prishtinë.
Ukë Rugova dhe 19 të akuzuarit u deklaruan të pafajshëm në janar të këtij viti. Rugova pafajësinë e kishte deklaruar edhe në gusht të vitit të kaluar kur ishte mbajtur seanca fillestare.
Disa nga të akuzuarit e këtij rasti kishin kërkuar hedhjen e aktakuzës por kërkesat e tyre ishin refuzuar nga Gjykata Themelore e Prishtinës e më pas edhe nga Gjykata e Apelit të Kosovës e cila vendosi që në këtë rast të vazhdohet me shqyrtim gjyqësor. /Kallxo.com/
Lufta Prigozhin - Putin
Më shumëA po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Çfarë përfiton ekonomia e Kosovës me regjistrimin e popullsisë
Arrestohet një serb në Bërnjak, dyshohet se ka kryer krime lufte në Gjakovë
Italiania e dashuruar me Sarandën: Sa erdha thashë do të jetoj këtu, tani kam biznes
Ura e Fshajtë e dëmtuar, paraqet rrezik për kalimtarët
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë