Gara për vizatimin më të mirë për fëmijë: ‘Si e shohim korrupsionin?’, shpërblimi : 12 iPads

Më 6 nëntor, Agjencia Kundër Korrupsion në bashkëpunim me Programin për Zhvillim të OKB-së, lansuan garën për vizatimin më të mirë: ‘Si e shohim korrupsionin?’ që organizohet në kuadër të aktiviteteve për të shënuar Ditën Ndërkombëtare Kundër Korrupsionit.

Kjo garë ka për qëllim të inkurajojë nxënësit e klasave 6-12 që përmes vizatimit të shprehin perceptimin e tyre mbi korrupsionin; që përmes vizuelizimit, të shprehin se çka është korrupsioni ose cilat janë pasojat e korrupsionit.

Në këtë mënyrë synohet diskutimi në mes të prindërve dhe fëmijëve, mësimdhënësve dhe fëmijëve, por edhe në mes të vet fëmijëve në lidhje me korrupsionin, si dukuri negative dhe për pasojat e tij në shoqërinë tonë.

Vizatimet më të mira do të shpërblehen me nga një iPad. Në tërësi, do të përzgjidhen 12 vizatime më të mira. Këto 12 vizatime pastaj do të vendosen në një kalendar vjetor dhe do të shpërndahen në institucione të ndryshme.

Ceremonia e ndarjes së çmimeve do të mbahet më 7 dhjetor, në ora 15:00, në lokalet e Agjencisë Kundër Korrupsion.

Për më shumë informata mbi mënyrën dhe kushtet e aplikimit, ju lutem klikoni këtu.

Kjo garë mbështetet nga Zyra Zvicerane për Zhvillim dhe Bashkëpunim (SDC) dhe Ministria e Punëve të Jashtme të Danimarkës (DANIDA).