Babai dhe vëllai i Fahri Bunjakut, të vrarit në Podujevë vitin e kaluar, dëshmuan në gjykimin e tre vëllezërve Llugaliu.
Avdyl e Mensur Bunjaku treguan para gjykatës se si ndodhi ngjarja që la të vrarë familjarin e tyre të ngushtë, Fahri Bunjaku, në ngjarjen që tronditi Podujevën në shkurt të vitit 2016.
Lidhur me vrasjen që ndodhi në orët e mbrëmjes të 7 shkurtit të vitit të kaluar në Rrugën e Xhamisë në Podujevë, po akuzohen Esat, Sadat e Fejard Llugaliu.
Duke u përgjigjur në pyetjet e prokurores Besa Limani, Mensur Bunjaku, vëllai i të vrarit, tregoi se zanafilla e problemit ishte shitblerja e disa kafshëve në territorin e Serbisë, e kjo ngjarje kishte ndodhur 1-2 vjet para se Fahri Bunjaku të vritej.
“Ne i kemi blerë disa kafshë afër Beogradit dhe dikush prej këtyre [të akuzuarve] e ka thirr babën tim në telefon”, tha dëshmitari Bunjaku.
Ai tregoi se babai i tij nuk e dinte se i kishin blerë kafshët.
“Pasi (babai) më pyeti se a i kam blerë unë e pranova se i kam bo pazar dhe baba i është përgjigj atyre se i kemi ble dhe nëse doni le t‘shkon mi marrë nëse ia jep pronari serb, për ne nuk ka problem”, rrëfeu në Gjykatë vëllai i të ndjerit.
Dëshmitari tregoi se si rrjedhojë e këtij rasti, kishin ndërprerë komunikimin me familjen Llugaliu dhe nuk kishin folur më e madje as nuk kishin shkuar në të njëjtin treg me ta.
Më tej, në dëshminë e tij, Mensur Bunjaku tha se ndonëse nuk kishin folur me familjen Llugaliu, rreth një javë para se të ndodhte vrasja, atij i ishte zënë rruga nga një pjesëtar i familjes Llugaliu në qytetin e Podujevës.
“Rrugën ma ka nxanë Fejard Llugaliu dhe derisa isha duke biseduar me një shok, kerret kanë kalu dhe më ka ardhur në drejtim temin”, dëshmoi Bunjaku.
Sipas dëshmitarit, ngjarja nuk përfundoi këtu dhe vetëm sa u bë edhe më dramatike.
“Kur erdha para postës më ka dalë para kerrit. Unë e ndala kerrin dhe i thashë: çka po don o burrë”, vazhdoi rrëfimin për ngjarjen dëshmitari.
Ai deklaroi se në një moment Fejard Llugaliu e kishte nxjerrë revolen.
“Ma hapi derën e veturës dhe ia nisi me shajtë me nanë, me grua, me familjarë dhe e nxori revolen dhe më tha ‘unë moti të kisha vra e t‘kish dalë bari mbi varr, por ja që sot erdhi dita me të vra’. Një nip i joni i cili ka qëllu në Podujevë ka ardhur dhe i ka ra”, përshkroi incidentin që i parapriu vrasjes dëshmitari.
Dëshmitari tregoi se pas këtij incidenti, babai i tij i kishte dërguar njerëz familjes Llugaliu për ta pyetur se çka ju kemi borxh dhe pse po doni të m’i vrisni djemtë.
Prokuroria pretendon se pikërisht ishte ky rast që i parapriu rastit të 7 shkurtit ku mbeti i vrarë i riu Fahri Bunjaku.
Prokuroria Themelore në Prishtinë i akuzon Esat Llugaliun, Sadat Llugaliun dhe Fejard Llugaliun se së bashku kanë kryer veprat penale vrasje e rëndë dhe mbajtje në pronësi, kontroll ose posedim të paautorizuar të armëve, sepse me dashje që ta privojnë nga jeta tani të ndjerin Fahri Bunjaku, për shkak të një konflikti të mëparshëm që kishin rreth biznesit – shitblerjes së kafshëve me shumicë – i kanë dalë në pritë dhe kanë shtënë në drejtim të tij.
Sipas aktakuzës, Bunjaku duke tentuar të largohej nga vendi ku i kishin zënë pritë, në vetëmbrojtje plagosi Esat Llugaliun, ndërsa të pandehurit e tjerë, Sadat dhe Fejard Llugaliu, e ndoqën nga pas duke shtënë në drejtim të tij e pastaj duke e goditur me shkopinj druri.
Nga plagët e marra, Bunjaku vdiq në QKUK, thuhet në aktakuzën e prokurorisë themelore.
Të akuzuarit e këtij rasti nuk e kanë pranuar fajësinë, duke u deklaruar të pafajshëm. /KALLXO.com/
Promo
Reklamo këtuLufta Prigozhin - Putin
Më shumëNga Rubrika
Kryetari i Gjykatës Administrative: Nuk ka presion mbi gjyqtarët që shqyrtojnë paditë për parregullsi në zgjedhje
Kosova jashtë KiE-së, deputetja finlandeze akuzon BE-në se po tregohet e butë me Serbinë
Oda Ekonomike kërkon që të vazhdohet projekti për korridoret
Kosova jashtë KiE, Mujanoviq: BE po çon ujë në ‘mullirin’ e Vuçiqit
Mos futja e Kosovës në agjendën e Komitetit të Ministrave të KiE, deputeti Schwabe: Gabim i rëndë i Qeverisë gjermane – KiE të mos diktohet nga Trump dhe Grenell
Qytetari që ra viktimë e fajdeve rrëfen për "hilet" e fajdexhinjve: Nga 10 mijë borxhi shkoi në 50 mijë euro
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Zgjatet afati i regjistrimit të popullsisë deri më 24 maj në 11 komuna, diaspora deri më 31 gusht
Haradinaj: Dështimi i anëtarësimit në KiE i faturohet vetëm Albin Kurtit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë