Maqedoni, Gjykata e apelit vendos “bombat” të përdoren si dëshmi në lëndën “Tenderët”

Gjykata e apelit në Shkup ka sjellur vendim që “bombat” të mund të përdoren si dëshmi në procesin gjyqësor në arstin “Tenderët”, në të cilin është e akuzuar ish-ministrja e kulturës, Elizabeta Kançeska-Milevska.

Vendimi është bazuar në dy vendimet paraprake me të cilat Gjykata e Apelit vendosi se “bombat” mund të jenë dëshmi në lëndët “Dhunë në Qendër” dhe “Treqind”.

Gjykata e apelit në dy seanca publike nesër do të vendosë nëse “bombat” do të jenë dëshmi në rastin “TNT” për rrëzimin e kompleksit të banesave “Kosmos” dhe në lëndën “Toplik” për rastin “Qyteti i diellit”.

Në rastin “Tenderët” është e akuzuar Kançevska-Milevska për tenderin për kryerjen e punimeve ndërtimore në Muzeun e OBRM-së, nga projekti “Shkupi 2014”.

Regjistrimet e bisedave të përgjuara deri tani janë pranuar si dëshmi në lëndën “Treqind”, në të cilën është i akuzuar ish-ndihmësi i Ministrit të punëve të brendshme, Gjoko Popovski dhe “Dhuna në Qendër”, në të cilin është i akuzuar ish-kryeministri Nikolla Gruevski, ndërsa janë hedhur poshtë për rastet “Titanik”, “Tenk”, “Tifani” dhe “Trevnik”./Telegrafi/