1.600 nëpunës shtetëror, pas zgjedhjeve nuk do të mund të marrin paga duke qëndruar në shtëpi

Në 100 ditët e para të qeverisjes, Ministria për shoqëri informatike dhe administratë u ballafaqua me probleme të mëdha në pjesën e administratës publike, e cila gjatë 10 viteve të fundit u dhndërrua në shërbim për punësim të kuadrit partiak, me çka u bë joefikase dhe jo profesionale, tha ministri për shoqëri informatike dhe administratë, Damjan Mançevski në konferencën për shtyp, llogaridhënie për 100 ditët e para në pushtet, përcjell Telegrafi Maqedoni.

Ai tha se para Ministrisë qëndron proces serioz i reformave në administratën publike, të bazuara në strategji të re. Në 100 ditët e para, siç tha Mançevski, Ministria ka pranuar dhe ka zbatuar të gjitha vërejtjet nga SIGMA, ka arritur të kthejë dialogun me BE-në për reformat në administratën publike që ka qenë e ndërprerë nga viti 2015, është vendosur orar pune i ndryshueshëm dhe orar pune me dy ndërrime për shërbimet që japin leje, vërtetime dhe të tjera.

Në pyetjen nga gazetarët në lidhje me 1.600 nëpunës në administratën publike të cilët pranojnë paga duke qëndruar në shtëpi, Mançevski tha se për momentin janë të kufizuar nga Rregullorja zgjedhore për shkak të zgjedhjeve lokale, por pas përfundimit të zgjedhjeve, të gjitha nëpunësit do të shpërndahen në vende pune dhe do të fillojnë me punë aktive./Telegrafi/