Shqiptarja e abuzuar seksualisht kur ishte 12-vjeçare: Më rrezikohet jeta (Video)
Emisioni “Fiks Fare” ka denoncuar mbrëmjen e së premtes disa institucione të drejtësisë, ato arsimore dhe lokale, të cilat kanë lënë në mëshirë të fatit një vajzë të abuzuar seksualisht në moshën 12-vjeçare.
Vajza, sot 16-vjeçare, ka treguar të gjithë ngjarjen e vitit 2014. Ajo ka akuzuar organet e drejtësisë se nuk i dhanë dënimin e merituar personit që e lëndoi.
Vajza ka deklaruar se djali që e kërcënoi se do ta çonte prostitutë në Maltë bëri vetëm dy vite burg dhe sot është i lirë. Pas ngjarjes së rëndë, familja e minorenes është kërcënuar me dhjetëra telefonata, ndërsa policia dhe prokuroria kanë pushuar kallëzimet me pretendimin se nuk përbënin vepër penale.
Në vitin 2016 vajza i është drejtuar me një mesazh ministrit të Brendshëm në atë kohë, Saimir Tahiri, dhe pavarësisht një interesimi të Policisë së Beratit sot ajo është e pambrojtur. I është drejtuar edhe linjës kombëtare të këshillimit të fëmijëve, por nuk ka marrë zgjidhje.
Gazetarët e “Fiks Fare” kanë shoqëruar vajzën edhe te drejtori i shkollës nëntëvjeçare në fshatin Donofrosë të Bashkisë Ura Vajgurore. Në bisedë e sipër, drejtori ka pranuar se vajza ka probleme sociale, madje ka qenë edhe objekt trafikimi. Por, ai nuk ka pranuar që asaj t’i jepte shpërnguljen në një shkollë tjetër. Madje, me një arrogancë të theksuar i ka deklaruar se nuk i jepte të drejtën për t’u transferuar në një shkollë tjetër.
“Unë jam bërë viktimë e abuzimit seksual në moshën 12-vjeçare. Personi që më kërcënoi më thoshte se do të më çonte prostitutë në Maltë, më thoshte të gjeja edhe ndonjë kushërirën time. Me ty do bëj lekë, më thoshte. E denoncova, por policia nuk i mori për bazë denoncimet”, tha 16-vjeçarja.
Ajo tregoi edhe ditën e abuzimit.
“Isha në një dyqan në fshatin ku banoj, në Slanicë të Urës Vajgurore. Ky person erdhi me një makinë ngjyrë gri dhe më mori me forcë. Gjërat që kisha blerë më ranë nga dora. Me ty do të bëj lekë, më thoshte. Më çoi në Cukalat dhe më kërcënonte. Do të të vras familjen, thoshte”, rrëfeu vajza.
Ajo tha gjithashtu se personi kishte qenë me njerëz të tjerë në makinë dhe se kur ishte kthyer në shtëpi nuk u kishte thënë prindërve për sa kishte ndodhur.
“Ishte ora 12 e gjysmë e natës. Mami kishte dalë nga shtëpia. Kur zbrita nga makina ai më shtyu, por mami nuk pa gjë. Unë e gënjeva mamin, i thashë se kishte qenë kushëriri. Të nesërmen telefonova Policinë e Fierit, në orën 09:00. Ia tregova ngjarjen një kushërirës time dhe ajo më tha se isha minorene”, tregoi më tej vajza.
Ajo shtoi se, personin që e kishte abuzuar e arrestuan 10 minuta pas kallëzimit dhe gjatë dëshmisë ai e kishte kërcënuar sërish. “Kam dëshmuar për këtë person. Sapo dola nga komisariati ai më bënte ca shenja. Kam për të të vrarë, thoshte”, tha më tej minorenia. /Top Channel/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Flet 17-vjeçarja që u publikua në “AlbKings”: Ma kanë montu foton
AGK reagon ndaj shpërndarjes së numrit të gazetares nga grupi “Albkings”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'