Më 8 shtator 2017, RIT Kosovë (A.U.K) mirëpriti klasën e vitit 2021. Ceremonia e mirëpritjes u mbajt në oborrin e kolegjit RIT Kosovë (A.U.K), e udhëhequr nga Drejtori për pranimin e studentëve, Z. Lavon Bajrami.
“Dita orientuese organizohet me qëllim të njoftimit të studentëve të rinj me profesorët, stafin dhe studentët tjerë dhe për t’ju njoftuar me pritshmërinë akademike dhe jetën studentore në kampusin tonë”, deklaroi Z. Bajrami në fjalimin mirë se ardhës. Përmes video konferencës, atyre ju dëshiroj mirë se ardhje edhe Presidentja e RIT Kosovë (A.U.K), Dr. Sharon Hart.
E zëvendëspresidenti për Çështjet Akademike të RIT-së, Daniel Cosentino hapi “ditën e Orientimit të Studentëve të Ri” duke i mirëpritur në kampus.
“Ne jemi të kënaqur që kemi një grup kaq të larmishëm të studentëve që i bashkëngjiten RIT Kosovë (A.U.K) këtë vjeshtë”, tha Daniel Cosentino. “Kjo është pikërisht lloji i komunitetit që ne jemi duke u përpjekur të krijojmë siç përshkruhet në planin strategjik të RIT Kosovë (A.U.K), si dhe atij të universitetit amë RIT në Amerikë”.
Ai prezantoi edhe disa nga 30 profesorët e këtij institucioni që vijnë nga Amerika, Evropa dhe Kosova.
Derisa shifrat e regjistrimit nuk do të konfirmohen deri në mes të shtatorit, numërimet e hershme tregojnë se 19 për qind e klasës së vitit të parë vijnë nga shtete të jashtme, parimisht nga Shtetet e Bashkuara të Amerikës, e pastaj nga shtetet e Evropës si Gjermania, Finlanda, Spanja, Hungaria, duke përfshirë edhe shtetet e Ballkanit si Shqipëria, Maqedonia, Mali i Zi, Kroacia dhe Turqia.
Një nga dimensionet e planit strategjik përqendrohet në ndryshimin e diversitetit dhe shumë nga objektivat fokusohen në arritjen e një ekuilibri më të madh të studentëve të huaj në kampusin në Kosovë, ekuilibrin mes djemve dhe vajzave, dhe diversitetin mes qyteteve të Kosovës dhe ekonomive familjare. Kjo reflektohet edhe ne faktin se më shumë se 75% të studentëve të ri janë përfitues të bursave meritore apo mbështetjeve tjera financiare, siç është bursa e Meridian Express, US KDOM, RIT Kosovo (A.U.K) Alumni Association, Familjes Lukaj, Familjes Cami, FSK-së, etj.
Fjalime mirëseardhëse u mbajtën edhe nga Qeveria Studentore, ku zëvendës Presidentja Znj. Jona Jaha foli për aspektet e ndryshme të jetës akademike, duke filluar nga klasat dhe aktivitetet jashtëshkollore, duke i dhënë brezit të ri të studentëve një pamje paraprake të asaj që duhet të presë gjatë këtij viti të ardhshëm akademik.
Qeveria studentore përmes studentëve vullnetarë organizoi aktivitete që mëtojnë ndërtimin e miqësive të reja si dhe orientimin e studentëve të rinj në kampus, me vizitat në klasa, auditorium, laboratorë si dhe tek qendrat e ndryshme të shërbimeve për studentë. Studentët po ashtu u pajisën me informatat për qasjen në sistemin online të RIT-së, ku më shumë se 18,500 student qasen nga kampuset në Rochester – Nju Jork, Kosovë, Kroaci, Dubai dhe Kinë.
Gjatë javës në vazhdim të gjithë studentët e ri do të pajisen me nga një llaptop, i cili është “mjet studimi” që RIT Kosovë (A.U.K) ju dhuron studentëve që nga viti 2008.
Pasdite, studentëve të rinj ju dëshiroi mirëseardhje edhe udhëheqësja e Shoqatës së Ish-Studentëve të RIT Kosovë (A.U.K), Znj. Valbona Hoti.
Sipas znj. Hoti: “misioni i RIT Kosovo (A.U.K) Alumni Association është të mbajë marrëdhënie miqësore dhe mbështetje të ndërsjellë midis studentëve të tanishëm dhe atyre të mëparshëm.” Për më tepër, ajo shpjegoi dy programet kryesore të Shoqatës; Programin e Mentorimit dhe Fondin e Bursave nga ish-studentët. Zonja Hoti ndriçoi pjesëmarrësit se jo vetëm të diplomuarit mund të përfitojnë nga këto dy programe, por edhe studentët e ardhshëm dhe të tanishëm.
Ligjëratat e rregullta fillojnë të hënën, me 11 shtator 2017. Kolegji RIT Kosovë (A.U.K) është i vetmi institucion i arsimit të lartë në Kosovë që ofron diplomë Amerikane, dhe kushtimisht i vetmi që fillon vitin akademik në shtator.
Lufta Prigozhin - Putin
Më shumëNga Rubrika
Një person nga Shqipëria ka paraqitur dokumentin e udhëtimit të një personi tjetër
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Çmimet e banesave në Manastir shkojnë në nivele rekord, 1600 euro për metër katror
Bie nataliteti në Kosovë, ASK dhe MPB me statistika të ndryshme për lindjet
LVV në Prishtinë akuzon Përparim Ramën, thonë se po planifikon të keqpërdorë një tender në vlerë prej 10 milionë euro
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Viti, vidhet një kasafortë me para
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur