“Vala e ikjeve në Perëndim” – çfarë mashtrime po bëhen sipas Stacionit të Autobusëve

Menaxhmenti i Stacionit të Autobusëve ka njoftuar qytetarët se nga sot janë anuluar të gjitha nisjet në relacionin Prishtinë – Beograd. Ky vendim ka ardhur pasi individë të papërgjegjshëm së fundi kanë blerë bileta dhe gjatë rrugës kanë kërkuar të zbresin nga autobusi, thuhet në njoftimin dërguar mediave.

Ka disa ditë që në media është raportuar për një valë të re të ikjeve masive ndërkohë që kjo situatë është mohuar vazhdimisht nga policia dhe drejtori i stacionit të autobusëve. Ndërsa sot është marrë vendim që të anulohen nisjet për relacionin Prishtinë-Beograd që do të zgjas deri në një njoftim të radhës.

Ky është njoftimi i plotë:

NPL “ Stacioni i Autobusëve ” SH.A, Prishtinë

Menaxhmenti i NPL “ Stacioni i Autobusëve ” SH.A, Prishtinë, në koordinim me Kompanitë e liçencuara nga MI (Ministria e Infrastrukturës) për bartjen e udhëtarve njofton të gjith qytetarët dhe të interesuarit e tjerë se anulohen të gjitha nisjet në relacionin Prishtinë – Beograd.

Arsyetim:

Për shkak të gjendjes së krijuar dhe sjelljeve të pa përgjegjëshme të disa individëve (të cilët blejn bileta futen në autobusë dhe gjatë rrugës kërkojn të zbresin ose nuk futen fare në autobus) me që rast krijojn situata jo serioze, shkaktojn çrregullim, krijojn edhe humbje për Operatorët Transportues.

Ky vendim fillon së implementueri që nga sot dhe do të zgjas deri në një njoftim të radhës!