Një fshat i tërë në gjendje shoku, njerëzit po hanë njerëz (Foto)

Frika dhe shoku e kanë kapluar fshatin Shayamoya në provincën KwaZulu-Natal të Afrikës së Jugut pas zbulimit të një trupi pa kokë.

Siç shkruajnë mediat e huaja, përcjell Telegrafi, bëhet fjalë për Zanele Hlatshwayo, 25 vjeç, e cila ka qenë e zhdukur që nga shtatori, për të cilën familja besojnë se ishte viktimë e një rrethi kanibalizmi që deri tani ka çuar në arrestimin e pesë njerëzve.

Trupi i saj i dekompozuar është gjetur pasi një njeri i cili pretendonte të jetë një mjek tradicional u dorëzua në polici javën e kaluar dhe pranoi se ai ishte i lodhur me të ngrënit mish njerëzor.

Zyrtarët e policisë fillimisht e kishin hedhur poshtë deklaratën e tij, sipas raporteve.

Dhe vetëm pasi ai tregoi një dorë dhe një këmbë të gjakosur si dëshmi ai u arrestua menjëherë.

Ai i dërgoi ata në shtëpinë e tij me qira, ku policia gjeti tetë veshë të njeriut në një tenxhere gatimi.

Besohet se ata duhej t’u shërbeheshin klientëve të tyre, të cilëve u ishte thënë se kishin “prona magjike” prej nga do të “prodhonin” para, fuqi dhe mbrojtje.

Disa pjesë të tjera të trupit u gjetën në një valixhe.

Rrobat e gjakosura dhe të shqyera të zonjës Hlatshwayo u gjetën midis mbetjeve njerëzore në shtëpinë e shëruesit tradicional.

Rrobat u identifikuan nga familja e saj.

Megjithatë, policia ende po pret rezultatet e testimit të ADN-së për të konfirmuar nëse mbetjet i përkasin nënës së një djali dy-vjeçar. /Telegrafi/