Në seancën e 24 gushtit të Kuvendit të Kosovës pritet të marrin pjesë edhe deputetët e lëvizjes “Vetëvendosje”.
Deputeti më i vjetër, Adem Mikullovci, ka vendosur që seanca konstituive e Kuvendit të Kosovës të mbahet të enjten e ardhshme, më 24 gusht.
Një vendim të tillë kryesuesi i seancës konstituive e ka marrë në tryezën konsultative, pasi që ka dëgjuar propozimet e përfaqësuesve të partive politike, ndonëse në tryezë nuk ishte i pranishëm përfaqësuesi i lëvizjes “Vetëvendosje”.
Në fakt propozimi që seanca të mbahet më 24 gusht ishte i nënkryetarit të PDK-së, Enver Hoxhaj, i cili ka folur në emër të koalicionit PAN, propozim ky që u kundërshtua nga shefi i Grupit Parlamentar të LDK-së, Avdullah Hoti, me arsyetimin se PAN-i nuk do të shkojë në seancë as të enjten e ardhshme, siç nuk ka qenë as në seancat paraprake.
Në anën tjetër, deputetë të lëvizjes “Vetëvendosje”, ndonëse kanë bojkotuar këtë takim, burime të gazetës “Zëri” bëjnë të ditur se ata do të marrin pjesë në seancën e 24 gushtit.
Imer Mushkolaj, njohës i çështjeve politike, ka thënë për “Zërin” se deri më datën 24 gusht koalicioni PAN do të arrijë ta bindë AKR-në për ta mbështetur në formimin e institucioneve.
“Nëse PAN ia del t’i sigurojë votat e mjaftueshme, do ta zgjedhë kryetarin e Kuvendit. Por edhe nëse nuk i ka votat, duhet ta nxjerrë propozimin në votim për ta konsumuar herën e parë. PAN-i jo rastësisht e ka propozuar për seancë datën 24 gusht. Besoj se deri atëherë AKR-ja dhe Behgjet Pacolli përfundimisht do ta bëjnë të qartë mbështetjen për PAN-in dhe institucionet do të mundë të krijohen”, ka thënë ai.
Edhe analisti Ramush Tahiri ka thënë se 24 gushti është shansi i fundit që vendi të mos shkojë në zgjedhje të jashtëzakonshme.
PAN-i, sipas tij, i ka numrat, por ai nuk e ka përjashtuar mundësinë që bllokada të vazhdojë.
“Data 24 gusht është një shpresë se mund të konstituohet Kuvendi dhe të vazhdohet me zgjedhjen e Qeverisë. Ose ndryshe, kjo mbledhje është shansi i fundit që vendi të mos shkojë në zgjedhje të jashtëzakonshme. Mirëpo nëse këtë ditë nuk zgjidhet kryetari dhe pesë nënkryetarët, atëherë zgjedhjet janë të pashmangshme. Duket se PAN-i i ka siguruar numrat, pra së paku 61 vota për ta zgjedhur kryetarin”, ka thënë ai. /Zëri/
Lufta Prigozhin - Putin
Më shumëNjë veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Mijëra euro kursime, banesa, e shtëpia - çfarë pasurie posedojnë kryetarja e Gjykatës Kushtetuese dhe gjashtë gjyqtarët tjerë?
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur