Diskriminimin e shqiptarëve në ndeshjen e Superkupës, tifozët shqiptarë e cilësojnë si turp për shtetin
Maqedonia dje priti dy gjigantët evropian për ndeshjen e Superkupës evropiane, Real Madrid dhe Manchester United. Ishte ditë historike për shtetin dhe për tifozët që ishin prezent në stadium si kurrë më parë. Por, para ndeshjes pati një element diskriminimi për shqiptarët e Maqedonisë.
Vallet maqedonase, veshjet kulturore dhe të vjetra të popullit maqedonas në vend, flamuri shtetëror verdhë e kuq dhe muzika tradicionale maqedonase mbrëmë u prezentuan para 30 mijë tifozëve në stadiumin Telekom Arena në Shkup. Gjithashtu dhe nëpërmjet ekraneve ky realitet i fshehur i organizatorëve u prezentua para më shumë se 1 miliardë shikuesve nga e gjithë bota, shkruan Telegrafi Maqedoni. Shqiptarët u shfaqën të diskriminuar para botës.
Telegrafi Maqedoni ka biseduar me tifozë prezent në stadium rreth këtij diskriminimi që ju është bërë para fillimit të ndeshjes.
”Duke patur parasysh se në atë stadium në të shumtën e rasteve kemi përfunduar me rrahje dhe malltretime të ndryshme, në ndeshjen e Superkupës së paku kjo nuk ndodhi. Dikush si me tallje në stadium tha se një hap prapa që bënin ata në valle është me elemente shqiptare, po nuk ke si të ndjehesh kur e din se je taksapagues i këtij shteti, mirëpo nuk përfillesh si qytetar. Është ndjenjë e keqe që gjithmonë e më shumë na bën inferior karshi tjetrit.” tha për Telegrafi Maqedoni, Hasim Memishi, tifoz prezent në stadium.
”Sigurisht se u ndjeva i befasuar pasi në asnjë finale të organizuar nga ana e UEFA-s deri më tani s’kemi parë pika me elemente kombëtare. Pra, këtë e shof më shumë si një lëshim të organizatorit, pasi në shtet multietnik të lejosh pikë ku nuk përfaqsohen të gjithë etnitetet, sigurisht që lenë shije të hidhur. Shtrohet pyetja a është UEFA me gjithë mekanizmat e saj dhe resurset e informuar? Kujt i shërbeu ai shoë? Thjesht, shërim kompleksesh.” thotë Besjan Nuredini, tifoz prezent në stadium
”Pamjet flasin vetë! Duket qartë se nuk na llogaritin fare si popull shtetformues, lëre se na anashkalojnë në çdo sferë po edhe në një eveniment sportiv që organizohet për herë të parë në kete ‘shtet’ te cilin e kanë shikuar thuajse nga gjithë anet e botës na anashkaluan. Kjo është turp… Të thëm të drejtën unë personalisht por besoj se edhe gjithë shqiptarët që kanë qenë prezent në stadium janë ndjerë të diskriminuar tejmase në atë moment.” thotë Arben Neziri, prezent në stadium.
”Ndonëse politika nuk duhet të merr pjesë në sport, mbrëmë në ndeshjen e UEFA Superkupes në ”Telekom Arena” në Shkup, gjatë hapjes së spektaklit, ku me një vallëzim tradicional apo më mirë thënë nacional vetëm maqedonas, populli shqiptar kategorikisht u eliminua nga ‘barabarësia’ me popullin maqedon. Mendoja se organizimi ishte planifikuar deri në çdo detaj, mirëpo ja që kjo i ‘iku’ organizatorit, prandaj ndjenja e të qenit i ‘barabartë’ në këtë manifestim për mua si tifoz shqiptar ishte diskriminuese.” thotë Elvis Jashari, tifoz prezent në stadium.
I vetmi element shqiptar në stadium ishte shqiponjë dykrerëshe që zbukuronte stemën e Real Madridit. Për këtë detaj nuk u kujdesën organizatorët por tifozët e tifogrupit madrilen shqiptar ”Real Madrid Club Albania” që ishin më të zëshmit në terren. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ali Ahmeti: Maqedonia është shtet i të gjithëve, ekonomia nuk mund të përparojë e ndarë etnikisht
Profesori shqiptar nga Londra: Në Britani të Madhe i gjithë spektri politik është pro Kosovës
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe