Njihuni me gruan që humbi 65 kilogramë, duke shmangur katër ushqime që shqiptarët i hanë çdo ditë (Foto)

Një grua e quajtur Casey Gemmell 37-vjeçe nga Australia, ka pranuar haptazi se një fotografi e ka detyruar atë të ndryshoi rrënjësisht e në veçanti mënyrën e të ushqyerit.

Kur ajo pa për herë të parë një fotografi të cilën e kishte postuar një mikeshë e saj në Facebook, ku ajo shihet duke e dërguar të birin në ditëlindjen e shokut të tij, ajo nuk mund t’u besonte syve se sa e trashë dukej, transmeton Telegrafi.

“Në fillim mendova që nuk isha unë, ndoshta për shkak se nuk dëshiroja të besoja se sa shumë isha plotësuar”, ka deklaruar Gemmell e cila jeton në Perth të Australisë.

Prej atij momenti ajo i tha vetes se patjetër duhet të ndryshojë dhe se duhet të bëjë të pamundurën të shkrijë disa kilogramë, pasi asokohe peshonte plot 135 kilogramë.

Ajo ka pranuar se për shkak të mbipeshës ka pasur problem të gjunjëzohet që t’ia ndërrojë pelenat të birit. Por, pasi iu nënshtrua dietave strikte dhe hoqi dorë nga katër ushqimet që shqiptarët i hanë më së shumti, arriti të humb 65 kilogramë.

Gemmell ka pranuar se që kur ka hequr dorë nga djathi, makaronat, buka dhe pijet e gazuara, trupi i saj ka ndryshuar në masë të madhe sa që shumë të afërt nuk po e njohin.

Ajo këtë gjë e ka arritur pas pesë viteve ushtrime në palestër, dietave dhe moskonsumimit të katër ushqimeve që dikur i përdorte në masë të madhe.

Falë këtyre ndryshimeve, sot ajo po shërben si inspirim për mijëra njerëz nga e mbarë bota që dëshirojnë të dobësohen, dhe në kohën e lirë po i këshillon se çfarë duhet të bëjnë për të arritur misionin që i kanë dhënë vetes. /Telegrafi/