Nëna e pesë fëmijëve detyrohet t’i durojë dhimbjet e tumorit shkaku i fëmijëve (Video)

Mensure Muharremi nga fshati Llopat i Kumanovës është nënë e 5 fëmijëve nga 1 vjeç deri në 14. Ajo vuan nga një sëmundje që nuk ka shërim në Maqedoni, ndërsa nuk ka para për t’iu nënshtruar operacionit jashtë vendit, raporton TV 21.

Mensure Muharremi vuan nga më shumë se një sëmundje, por ajo ka nevojë urgjente të operohet nga tumori në brendësi të veshit. Ajo ankohet se edhe ilaçet që i duhet t’i blejë, kushtojnë mjaft shtrenjtë.

“Mensurja na rrëfen se shpeshherë ngelet me dilemën a të ushqejë fëmijët apo të blejë barnat e domosdoshme, ngaqë siç thotë ajo, dhimbja është e padurueshme”, tha Mensure Muharremi.

Kjo nuk është hera e parë që Mensurja zgjatë dorën për ndihmë. Para 4 viteve një bamirës ia ndërtoi shtëpinë, pasi që ajo asokohe jetonte në një dhomë të vetme në shtëpinë e vjehërrve të saj.

Ajo thotë se e ka shumë të vështirë për të kthyer kokën kah bamirësit për të kërkuar zgjidhje, por thotë se dhimbjet që ajo përballon janë shumë të mëdha dhe nuk ka tjetër zgjidhje.

Mensurja tregon se përkundër gjendjes së saj shëndetësore, shpeshherë detyrohet të pastrojë shtëpi apo të punojë punë të tjera me qëllim që fëmijëve të saj t’u sigurojë di[ka për të ngrënë, ngase nuk ka zgjidhje tjetër. Bashkëshorti i saj punon privatisht, por paratë që ai i siguron nuk mjaftojnë për ushqim dhe gjëra tjera elementare. Përderisa po largoheshim ne e lamë Mensuren me fëmijët e uritur në krahë, me dhimbjet dhe me shpesën që një ditë çdo gjë do të ndryshojë për të dhe familjen e saj. /Telegrafi/

Mensure Muharremi

Info – 071 570166          210046645310119

https://www.youtube.com/watch?v=fYsJqLRcd9Q