Në Universitetin e Prishtinës ka filluar Shkolla Verore e Bashkimit Evropian ku çështjet e BE-së, ekonomia dhe politika, zbatimi i MSA-së dhe marrëdhëniet BE-Kosovë në përgjithësi do të jenë në qendër të programit pesë ditor.
Shefja e Zyrës së BE-së në Kosovë, Nataliya Apostolova, ka thënë se sistemi i arsimit është shtylla kryesore për një shtet që të ketë zhvillim ekonomik dhe politik.
Po ashtu, Apostolova tha se deri më tani 272 studentë kanë përfituar nga grantet e financuara nga BE-ja, të cilët kanë studiuar në shtetet e BE-së dhe po të njëjtët janë kthyer dhe kanë ndihmuar shtetin e Kosovës.
“Deri tani, 272 studentë nga më të ndriturit në Kosovë kanë përfituar nga grantet e financuara nga BE, duke studiuar programet Master në shtetet e BE-së. Këta studentë jo vetëm që sollën ekspertizën e fituar rishtazi, por ata a gjithashtu sollën edhe rrjetet dhe ambiciet e tyre për të ndihmuar zhvillimin dhe përparimin e Kosovës”, tha ajo.
Apostolova tha se investimi në njerëz dhe në edukimin e tyre është investimi me i qëndrueshëm që dikush mund të bëjë.
Ministrja në detyrë e Integrimeve Evropiane, Mimoza Ahmetaj, tha se integrimi në BE është pjesë e agjendës kosovare. Po ashtu, ajo tha se pavarësisht që Kosova vazhdon të mbetet e izoluar në aspektin e lirisë së lëvizjes, ka arritur të përfitojë në mënyra të ndryshme nga projektet e BE-së.
“Pavarësisht ‘backgroundit’ politik, religjionit apo etnisë, kjo paraqet një përgjegjësi shtesë për ne si qeveri, për të artikuluar angazhimin e njerëzve në një sukses dhe arritje për vendin tonë. Projekti i BE-së është tregimi më i suksesshëm pas Luftës së Dytë Botërore. Është një model jo vetëm në ruajtjen e paqes dhe garantimin e sigurisë por edhe për zhvillimin ekonomik, lirinë e lëvizjes, të drejtat e njeriut, barazinë dhe sundimin e ligjit”, tha ajo.
Për më tepër Ahmetaj tha se studentët kosovarë kanë përfituar shumë nga projektet IPA dhe projekti Erasmus+.
Ndërsa, rektori i Universitetit të Prishtinës, Marjan Demaj, tha se Universiteti i Prishtinës ka sjell kuadro të cilat kanë bërë transformimin e shoqërisë. Për më tepër, ai tha se Universitetit të Prishtinës në mënyrë gjeneralë ka prodhuar akademikë, shkencëtarë, gjuhëtar e artistë.
“Ne duhet t’i përgatisim studentët tanë për të respektuar rregullat, sepse ato nuk janë thjesht rregulla, ato janë vlera. Pra, nëse ne i përgatisim ata, siç tha Apostolova kur jemi tek investimi në edukim, rezultatet nuk mund të shihen menjëherë, pasi që ky është një proces”, tha Demaj.
Prorektorja për marrëdhënie ndërkombëtare në Universitetin e Prishtinës, Teuta Pustina, tha se kjo shkollë verore është një mundësi ideale që studentët të zgjerojnë njohuritë e tyre.
“Kjo shkollë verore është një mundësi ideale për zgjeruar njohuritë e juaja, për të mësuar për BE-në, në të cilën vendi ynë është i orientuar në mënyra të llojllojshme, dhe në fund iu do të jeni të pajisur dhe do të jeni të gatshëm për tregun evropian, ku pa marrë parasysh nacionalitetin tuaj, kosovar, gjerman, francez apo Italian, ju do të jeni evropian dhe dija juaj e vlerësuar duhet të tregohet në këtë mjedis dinamik”, tha ajo.
Shkolla Verore e BE-së është organizuar bashkërisht nga projekti “Young Cell Scheme” i financuar nga BE-ja dhe “European Young Cells Alumni” (EYKA) me mbështetjen akademike dhe logjistike të Universitetit të Prishtinës në periudhën nga 3 deri më 7 korrik. /KP/
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3