RDK uron ditën e Lidhjes së Prizrenit: Me shpresë që përvjetoret tjera do na gjejnë në situatë ndryshe

Sot mbushen 139 vjet që kur më 10 qershor 1878 filloi organizimi dhe themelimi i Lidhjes Shqiptare të Prizrenit. Rilindja Demokratike Kombëtare (RDK) përmes një kumtese për Telegrafi Maqedoni, ka uruar gjithë shqiptarët për këtë ditë. Ata shpresojnë se përvjetoret tjera shqiptarët do t’i gjejnë në situatë më ndryshe.

Lexo po ashtu https://telegrafi.com/139-vjet-nga-formimi-lidhjes-se-prizrenit/

“Sot e 139 vite më herrët, burrat më të ndritur të kombit shqiptar u takuan në Prizren nga të gjitha trojet shqiptare për të lënë gjurmë të paharrueshme për kombin shqiptar me krijimin e Lidhjes së dytë mbarrëshqiptare, pas asaj të Lezhës me në krye Skënderbeun. Akti i Lidhjes solli një perspektivë të re për Rilindjen Shqiptare dhe përgjatë një shekulli mesazhet e Lidhjes së Prizrenit u lartësuan dhe u bënë aspiruese në përjekjet e vazhdueshme të kombit shqiptar Sot e kësaj dite, amaneti i Lidhjes së Prizrenit ngelën i parealizuar,me shpresë reale se ky amanet do të shoh ditë më të mira në periudhën që pason. Në emër të Rilindjes Demokratike Kombëtare urojmë 139 vjetorin e Rilindasve të Lidhjes së Prizrenit me shpresë që përvjetoret e ardhshëm do të na gjejnë në një situatë tjetër nga kjo e tanishmeja”, thuhet në urimin e RDK-së./Telegrafi/