LAJMI I FUNDIT:

Gënjeshtra me moshën mesatare të kandidatëve për deputetë

Gënjeshtra me moshën mesatare të kandidatëve për deputetë

Ndër tre partitë kryesore, ajo që ka moshën më të re të kandidatëve është Lëvizja Socialiste për Integrim. Sipas të dhënave, mosha mesatare e kandidatëve të LSI është rreth 39.1 vjeç. Në vendin e dytë vjen Partia Demokratike.

Kandidati mesatar i Republikës së re është 42.4 vjeç, ndërsa mosha mesatare e kandidatëve të Partisë Socialiste rezulton 44.4 vjeç. Por, këto janë të dhënat mesatare për të gjithë kandidatët, e cila ndikohet shumë nga të rinjtë që partitë vendosin në vendet e fundit për të plotësuar listat.

Ndaj Top Channel hulumtoi moshën mesatare posaçërisht për kandidatët që janë renditur në vendet e mundshme fituese dhe përfundimi ndryshon jo pak.


Më saktësisht, për LSI mosha mesatare e kandidatëve që me gjasa do të zgjidhen deputetë është 47.25 vjeç, për Partinë Demokratike 47.8 vjeç, ndërsa për PS 48.9 vjeç.

Në të vërtetë listat e partive janë të mbushura me të rinj. Numri i kandidatëve nën 35 vjeç, që përkon dhe me moshën mesatare të popullsisë varion nga 37 vetë në listën e Partisë Socialiste deri në 65 vetë në atë të Partisë Demokratike.

Por të dhënat tregojnë se shumë pak prej tyre do të ulen në karrigen e deputetit. Sipas shifrave, në LSI numri i kandidatëve nën 35 vjeç që kanë mundësi për t’u zgjedhur deputet varion nga 3 deri në 7 vetë; në PD pritet të zgjidhen 3 deri në 6 deputetë nën 35 vjeç; ndërsa në PS numri i deputetëve që përfaqëson moshën mesatare të vendit pritet të jetë vetëm 2 deri në 4 vetë.

Partive shqiptare përgjithësisht u pëlqen të reklamohen si përfaqësuese e të rinjve. Por faktikisht parlamenti i ardhshëm i Shqipërisë nuk pritet të ketë më shumë se 10 për qind të deputetëve në moshën 35 vjeç e poshtë. /Top Channel/

Në trend Lajme

Më shumë
Një grua humb jetën pas rënies nga një ndërtesë në Prishtinë

Një grua humb jetën pas rënies nga një ndërtesë në Prishtinë

Kronika e Zezë
Gazetari serb: Lista Serbe është kanceri i qytetarëve serbë në Kosovë

Gazetari serb: Lista Serbe është kanceri i qytetarëve serbë në Kosovë

Politikë
Sot mbahet seanca fillestare në rastin e vrasjes së Liridona Ademajt

Sot mbahet seanca fillestare në rastin e vrasjes së Liridona Ademajt

Drejtësi
Ndërprerja e fondeve nga Trump për SPAK, Karamuço: Bashkëpunimi vazhdon i fuqishëm, gati arrestime të reja

Ndërprerja e fondeve nga Trump për SPAK, Karamuço: Bashkëpunimi vazhdon i fuqishëm, gati arrestime të reja

Lajme
Kurti takim me qytetarët në Prishtinë: Zgjidhja është 118, qëllimi është 500 mijë zemra, data është 9 shkurt

Kurti takim me qytetarët në Prishtinë: Zgjidhja është 118, qëllimi është 500 mijë zemra, data është 9 shkurt

Lajme
Dronë, helikopterë e “mbrojtje të mençur”, planet e partive për sektorin e sigurisë dhe mbrojtjes

Dronë, helikopterë e “mbrojtje të mençur”, planet e partive për sektorin e sigurisë dhe mbrojtjes

Siguri
Kalo në kategori