Ish-ambasadori i Kosovës në Britani të Madhe, profesori i Fakultetit të Filologjisë të Universitetit të Prishtinës, Muhamet Hamiti, përmes një shkrimi të postuar në profilin e tij në Facebook, thotë se sondazhet janë të pabesueshme, jo vetëm në Kosovë.
“Zgjedhjet parlamentare të 11 qershorit do të kenë fitues ose LDK-në ose PDK-në me partitë e partizat e lidhura me to. VV-ja mundet në rastin më të mirë të fitojë aq vende në Kuvend sa – duke iu bashkuar njërit apo tjetrit koalicion – të bëhet qeveri e Kosovës me shumicë mbi 61-deputetëshe shqiptare. Gara në mes të LDK-së dhe PDK-së është e ngushtë dhe assesi punë e kryer. Sondazhet e këtyre ditëve s’janë për t’u besuar për dy arsye. Së pari, duken ashiqare se anojnë nga porositësit e tyre, duke i dhënë avantazhe PDK-së dhe duke e fryrë VV-në. Së dyti, edhe po t’ishin bërë me qëllimin të jenë sa më objektive, vështirë t’i afrohen të vërtetës.”, thotë ai.
Sipas Hamitit, në trazimet politike që kanë ndodhur vitet e fundit në Evropë dhe në SHBA, sondazhet kanë humbur shumë kredibilitetin.
“Kujtoni huqjet e mëdha me rastin e zgjedhjeve nacionale dhe të referendumit për dalje nga BE-ja (Brexit) në Britani më 2015 dhe 2016. Shihni huqjen e sondazheve në SHBA, që parashihnin fitoren e Hillary Clintonit: Donald Trumpi u bë President. Vështirë të besohet se kompanitë për sondazhe në Kosovë të jenë më profesionale se ato në Britani e SHBA. Po ashtu, zor të mendohet se njerëzit në Kosovë deklarohen më besueshëm në këto anketa sesa njerëzit në të dyja vendet perëndimore me traditë të gjatë demokratike”, shkruan profesori i anglishtes.
Sipas tij, do të ishte me interes që fuqia e katërt pushtetore (mediat) në Kosovë të marrin qëndrim për formacionin që parapëlqejnë të fitojë kësaj radhe – përmes editorialeve e shkrimeve redaksionale. Si shembull ai merr të përditshmen “The Financial Times” dhe javoren “The Economist”.
“‘The Financial Times’ (FT) në një editorial të 31 majit përkujtonte se gazeta nuk ka besnikëri partiake, porse angazhohet për agjendë liberale: shtet (administratë) të vogël, tregti të lirë, tregje të lira dhe drejtësi sociale. Asnjëri nga të dy kandidatët për kryeministër në Britani, Theresa May e konservatorëve dhe Jeremy Corbyn i laburistëve, nuk qëndrojnë qindpërqind pas këtyre parimeve. Megjithatë, shkurt e shqip, FT-ja konsideron se z. Corbyn është alternativë më e keqe se znj. May. Në ndërkohë, revista “The Economist” në numrin e saj të sotëm (3 qershor), madje edhe përmes karikaturës politike në faqen e parë, qahet për mungesën e mesit në politikën aktuale britanike (“Britain’s missing middle” është titulli kryesor, që i mbivendoset editorialit)”, ka shkruar ai.
Shkrimin e plotë mund ta lexoni: KËTU. /Telegrafi/
Promo
Reklamo këtuLufta Prigozhin - Putin
Më shumëAtentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Tragjedia në Shkodër, gjendet trupi i pajetë i fëmijës së dytë në lumin Buna
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
DW: Sinjale alarmi nga Ballkani - po përsëritet historia?
“Nuk ka asnjë emër që ka pushtuar botën më shumë sesa Skënderbeu”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'