Shërbimet profesionale të shollave, pedagogët dhe psikologët prej vitesh nuk janë më në gjendje të kryejnë si duhet funksionet për të cilat janë të thirrur profesionalisht.
Për shkak të shumë risive që janë provuar të aplikohen në sistemin arsimor, janë shtuar aq shumë kërkesat për punë administrative nëpër shkolla sa pedagogë dhe psikologë nuk mund të “ngrenë krye” nga grumbujt e dokumenteve që u qëndrojnë mbi tavolinën e punës, shkruan gazeta KOHA.
Sikurse, pranojnë edhe vetë pedagogët, tani e shumë vite nuk u del koha të merren me çështjet e përmirësimit të cilësisë, të gjetjes së formave të reja pedagogjike apo bashkëpunimit më intensiv me nxënësit dhe prindërit.
“Më tepër se 90 për qind të kohës e harxhojnë duke mbajtur shënime, duke pritur e përcjellë inspektorët e ndryshëm. Shkurt, neve psikologët dhe pedagogët e shkollave jemi kthyer në administratorë”, pohon për KOHA, Laura Isaku, pedagoge në shkollën fillore “Jashar bej Shkupi”.
Me çështje profesionale merremi jashtë zakonit pak, sepse nuk na lenë radhë punët administrative që shkolla duhet ti kryejë vazhdimisht, plotëson më tej ajo. Për të njëjtin shqetësim flasin dhe pedagogë dhe psikologë të shkollave tjera.
Sipas tyre, ndryshimet e shpeshta që kanë ndodhur në sistemin arsimor, në vend që ta reformojnë e kanë rënduar më keq atë. Shkolla si institucion, thonë se qëndron çdo herë e më larg qëllimit të saj, i cili është edukimit dhe arsimimi i nxënësve.
Tregues për këtë, është rënia e cilësisë dhe rezultate jashtëzakonisht të dobëta të nxënësve tanë, edhe atë në mënyrë të përsëritur gjatë testimeve ndërkombëtare. Edukata, ndërkaq është bërë çështje aq relevante në shoqëri sa edukimi është kthyer prej kohësh në një barrë të papërballueshme për shkollën.
Sjelljet e pahijshme të nxënësve, nuk i gjen vetëm nëpër rrugë, autobusë urban dhe në hapësira publike, por brenda në shkollë, gjatë orës së mësimit dhe gjatë kohës së pushimit. Ky problem, sipas psikologëve dhe pedagogëve, duhet të shqetësojë më së shumti familjen dhe duhet të jenë prindërit ata që më së shumti do të kujdesen për edukimin e fëmijëve të tyre.
“Nëse nuk mund t’i edukojë shtëpia, si do ta bëjë këtë shkolla”, thonë psikologët.
Përmbysja e sistemit të vlerave në shoqëri, reflektohet drejtpërdrejtë edhe në shkollë. Këta të fundit ballafaqohen me nxënës dhe profesorë, që dallojnë shumë me gjeneratat e përparshme për nga niveli i përgatitjeve dhe sjelljet në kolektivet e shkollave.
Nxënësit nuk e konsiderojnë si sukses marrjen e notave të mira në mësim, apo pjesëmarrjen në gara, por si të arrijnë në numrat e fundit të telefonave celular dhe si të vishen “trendy”.
Pak kush synon të bëhet inxhinierë, doktor apo matematikan. Profesionet e preferuara të nxënësve, ato të politikanit dhe tregtarit, pasi që këto të fundit janë momentalisht modeli i suksesit, gjykuar në standardin e jetesës. Distancimi i shkollës nga dimensioni edukativ dhe në masë të konsiderueshme edhe nga dimensioni arsimor, është padyshim faktor që i ka kontribuar rinimit të sistemit të vlerave në shoqëri. Pedagogët, psikologët, mësimdhënësit dhe shkolla në përgjithësi kanë padyshim një pjesën e tyre të fajit.
Përgjegjësia për këtë është morale, pasi përgjegjësia juridike është diku tjetër. Sipas Ligji për arsim fillor dhe Ligjit për arsim të mesëm janë bërë të detyrueshme kontrollet e jashtme dhe të brendshme të shkollave, të cilat vijnë në radhë njëjar pas tjetrës, ndonjëherë edhe në të njëjtën kohë.
Barra më e madhe e administrimit të këtyre proceseve u bie pedagogëve dhe psikologëve, të cilët në vend që të merren me mësimdhënësit dhe nxënësit për ta përmirësuar cilësinë e arsimit, e humbin veten mes qindra shkresave dhe dokumenteve që duhet t’i plotësojnë, qoftë edhe formalisht.
Lufta Prigozhin - Putin
Më shumëNga Rubrika
Kallëzim penal kundër një polici në Prilep, ka ushtruar dhunë në familje
Stano për strukturat paralele: BE në Kosovë mbështet një strukturë të vetme institucionale sipas kornizës së saj ligjore
Fast Kosova arreston një person të kërkuar me urdhërarrest nga INTERPOL-i
Prokuroria Speciale e fton në intervistë zëvendësministrin e Mjedisit, Hysen Durmishin
Arrestohet i riu nga Peja, dyshohet se abuzoi seksualisht me një fëmijë - videon e publikoi në "TikTok"
Nisin hetimet për personin nga Klina që dyshohet se kreu marrëdhënie seksuale me familjaren e tij
Haradinaj-Stublla: As NATO e BE nuk do të ishin fitore për Kosovën, nëse çmimi është defunksionalizimi i saj i brendshëm përmes Asociacionit
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Policia e Kosovës sqaron se pse vendosi kamera në katër komunat veriore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri