Irritimi i Donald Trump, që solli edhe shkarkimin e drejtorit të Byrosë Federale të Hetimit, James Comey, ditën e martë, ishte grumbulluar prej muajsh, por momenti vendimtar për të ndërmarrë këtë hap ka qenë pikërisht refuzimi i Comey për të përmbledhur dëshminë e tij të planifikuar përpara panelit të Senatit, përpara ndihmësve më të lartë të presidentit amerikan.
Trump, Jeff Sessions (Prokurori i Përgjithshëm) dhe zv.prokurori i Përgjithshëm, Rod Rosenstein kishin kërkuar një përmbledhje nga Comey se çfarë pritej të thoshte në seancën dëgjimore të 3 majit, mbi mënyrën e menaxhimit të hetimit ndaj ish-kandidates demokrate presidenciale, Hillary Clinton, sa i përket përdorimit të serverit privat të “e-mail”-eve.
Refuzimin e Comey, Trump dhe ndihmësit e tij e konsideruan si një akt mosbindjeje, ndaj dhe ky ishte katalizatori i vendimit të kësaj jave të Trumpit për ta shkarkuar drejtorin e FBI-së, thonë zyrtarë të Shtëpisë së Bardhë.
“Refuzimi dha përshtypjen se ai nuk ishte më i aftë për të kryer siç duhet detyrat e tij”, tha një zyrtar. Përmbledhjet e dëshmive në Kongres ndaj eprorëve, përgjithësisht konsiderohen si akte mirësjelljeje dhe njerëzore.
Comey, i cili dëshmoi për 4 orë përpara Komitetit të Drejtësisë në Senat, tha se kishte ndierë neveri kur dëgjoi se vendimi i tij për të publikuar rihapjen e hetimit ndaj Clintonit për përdorimin e “e-mail”-eve mund të kishte ndikuar në rezultatin e zgjedhjeve presidenciale të 8 nëntorit. Por, ai tha se nuk ka ndonjë peng dhe se do të bënte sërish të njëjtën gjë nëse koha do të kthehej pas.
Shkarkimi i papritur i Comey nga Trump shokoi Uashingtonin dhe e futi presidentin amerikan më thellë në polemikat mbi lidhjet e pretenduara të fushatës së tij me Rusinë, që kanë përshkruar qysh ditët e para presidencën e tij shkruan tch.
Demokratët e kanë akuzuar presidentin republikan se e shkarkoi Comey në përpjekje për të minuar hetimin e FBI-së ndaj përpjekjeve të dyshuara të Rusisë në zgjedhjet e 2016-s dhe për marrëveshje me pjesëtarë të fushatës së Trumpit, si dhe kërkuan një hetim të pavarur. Edhe disa republikanë e kanë konsideruar si shqetësues shkarkimin e Comey nga presidenti amerikan.
Promo
Reklamo këtuLufta Prigozhin - Putin
Më shumëNga Rubrika
Iranianët dalin në rrugë për t’i dhënë lamtumirën e fundit presidentit Ebrahim Raisi
Kur një autoblindë 70-vjeçare ruse BTR-50 sulmon trupat ukrainase, është një lajm i keq për Moskën
Franca mbështet Gjykatën Penale Ndërkombëtare, pasi prokurori kërkoi urdhër-arrest për Netanyahun e Izraelit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251