Sot në Shkup u mbajt punëtori kundër dhunës ndaj grave (Video)

Dhuna fizike dhe mentale në bazë gjinore është një formë e diskriminimit dhe e shkeljes të së drejtave themelore të viktimave. Në vend që të paraqesin dhunën, në një shoqëri siç është Maqedonia, këto raste mbeten prapa dyerve të mbyllura të shtëpive të viktimave.

Udhëheqësi i sektorit për bashkëpunim pranë delegacionit të BE-së, Nikolla Bertolini, thotë se bashkëpunimi me autoritetet e Maqedonisë do të vazhdojë me qëllim që të miratohet ligji për të ndaluar dhunën ndaj grave.

“Ka vetëm katër qendra për strehim në vend. Mekanizmi për mbrojtje juridike nga diskriminimi, duhet të funksionojë në një mënyrë më të mirë. Njësia për barazi gjinore pranë Ministrisë së punës dhe politikës sociale nuk ka mjete të mjaftueshme dhe kapacitete që të zbatohet ligji për barazi gjinore dhe jodiskriminim gjinor”, u shpreh për TV21, Nikolla Bertolini.

Nga Ministria e Punës dhe Politikës Sociale thonë se po ndërmarrin masa për të arritur barazi gjinore dhe për të ndaluar diskriminimin dhe stereotipat. Kjo është pjesë e strategjisë nacionale për barazi gjinore 2013-2020, është miratuar nga ana e Kuvendit të Maqedonisë./Telegrafi/