Instituti Demokratik i Kosovës (KDI), gjatë një konference për media ka prezantuar sot rezultatet e sondazhit të tretë për Dialogun ndërmjet Kosovës dhe Serbisë: “6 Vite pas (mos) konsolidim i shtetësisë: këndvështrimi i qytetarëve rreth dialogut Kosovë-Serbi”.
Në këtë sondazh KDI ka adresuar çështjet kryesore dhe më të debatuara në vend rreth këtij procesi që lidhen me shtrirjen e sistemit të drejtësisë në tërë territorin e vendit, shpërbërjen e strukturave paralele serbe, shtrirjen e sovranitetit të institucioneve të Kosovës në tërë territorin e vendit si dhe ndikimin e themelimit të Asociacionit të Komunave me shumicë Serbe në marrëdhënien ndëretnike.
Me këtë rast, Jeta Krasniqi nga KDI, ka bërë prezantimin e të gjeturave kryesore të këtij sondazhi sipas të cilave, pjesa më e madhe e qytetarëve të Kosovës, përkatësisht 46% e tyre, vlerësojnë se asociacioni i komunave me shumicë serbe mund të ndikojë në përkeqësimin e raporteve ndëretnike.
“Gjysma e qytetarëve të Kosovës, përkatësisht 51%, vlerësojnë se dialogu Kosovë-Serbi nuk ka ndikuar që Kosova të shtrijë sovranitetin e saj në veri të vendit. Janë vetëm 4% e qytetarëve që vlerësojnë se dialogu Kosovë-Serbi ka pasur ndikim në këtë aspekt”, ka thënë ajo.
Bazuar në matjet e opinionit, gjysma e qytetarëve të Kosovës, përkatësisht 48% e tyre, vlerësojnë se strukturat paralele serbe në Kosovë të financuara nga shteti i Serbisë nuk janë shuar. Po ashtu qytetarët e Kosovës në nivel të lartë, përkatësisht 58% e tyre, vlerësojnë se marrëveshja për drejtësi nuk do të jetë e suksesshme për të integruar gjykatat e veriut në sistemin gjyqësor të Kosovës.
KDI rekomandon që Marrëveshja e drejtësisë e arritur në kuadër të dialogut Kosovë-Serbi të bëhet publike për qytetarët dhe që Qeveria dhe institucionet e drejtësisë në mënyra aktive të angazhohen për të rritur transparencën rreth Marrëveshjes së Drejtësisë ndaj qytetarëve që preken nga kjo marrëveshje, ndaj publikut të gjerë si dhe ndaj zyrtarëve të sistemit të drejtësisë të cilët do të operojnë në kuadër të kësaj marrëveshjeje.
“KDI i rekomandon Qeverisë dhe Kuvendit të Kosovës që procesi i zbatimit të marrëveshjeve të jetë më transparent për qytetarët e Kosovës dhe të ketë informim sistematik mbi shkallën e zbatueshmërisë së marrëveshjeve dhe efekteve të tyre të pritshme në terren. Po ashtu Qeveria duhet të shtoj angazhimin e saj konkret për të shuar strukturat paralele serbe të financuara nga shteti i Serbisë në të gjitha fushat në tërë territorin e vendit”, ka shtuar Krasniqi.
Njëkohësisht ka thënë se institucionet e Kosovës duhet të ndërmarrin të gjitha masat e domosdoshme për të garantuar shtrirjen e sovranitetit të shtetit në tërë territorin e vet.
KDI vlerëson se Qeveria e Kosovës duhet të garantojë një qasje gjithëpërfshirëse dhe një transparencë të plotë për formimin e asociacionit të komunave me shumicë serbe, duke shtjelluar në detaje kompetencat e këtij mekanizmi, dhe duke garantuar një debat të mirëfilltë shoqëror rreth efekteve të tij. /Telegrafi/
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Ngriten çmimet e paketave turistike në Shqipëri, operatorët fajin ia lënë kursit të euros
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Piu kafenë e mëngjesit me ta dhe më pas u mori jetën, detaje nga vrasja e çiftit në Dropull
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak