Udhëheqësja e ekstremit të djathtë, Marine Le Pen akuzoi këtë të hënë Emmanuel Macron, rivalin e saj pa eksperiencë në balotazhin e muajit të ardhshëm për “Elizenë”, se është tejet i dobët përballë terrorizmit islamik.
Tregjet globale reaguan pozitivisht pas rezultatit të raundit të parë të zgjedhjeve të zhvilluar të dielën, që theu kështu dominimin e partive kryesore të qendrës së majtë dhe qendrës së djathtë, por sërish la një kandidat të qendrës proeuropian dhe një ish-ministër Ekonomie si pretendent për t’u bërë udhëheqësi i ri i Francës.
Sondazhet e fundit tregojnë se Macron, 39-vjeçari që nuk ka mbajtur kurrë pozita falë votave të popullit, pritet të fitojë të paktën 61 për qind të votave në balotazhin e majit. Këto shifra i kanë lehtësuar investitorët, të cilët ishin shqetësuar nga angazhimet e Le Pen për të braktisur euron, për të shtypur të tjera parà dhe ndoshta edhe për të dalë nga BE-ja, ndërsa u nervozuan më shumë nga qasja antipari për të ndjekur shembullin “Brexit” të Britanisë dhe triumfin e presidentit Donald Trump në SHBA.
Le Pen, 48 vjeç, ka theksuar edhe angazhimet për të pezulluar marrëveshjen e kufijve të hapur me BE-në, si dhe për të dëbuar të huajt që ndodhen në listën e mbikëqyrjes së shërbimeve sekrete, si përgjigjja e vetme dhe e duhur ndaj një serie sulmesh terroriste në Francë.
E duke synuar të shfrytëzojë mungesën e eksperiencës së Macron në këtë fushë, ajo u tha reporterëve në bastionin e saj verior, Henin-Beaumont se “ndodhet në terren për të takuar popullin francez, për të fokusuar vëmendjen te çështjet e rëndësishme, përfshi terrorizmin islamik, në të cilin Macron – siç u shpreh, – është më shumë sesa i dobët”.
Franca është tronditur nga një seri sulmesh terroriste gjatë dy viteve të kaluara, prej të cilave kanë mbetur të vdekur mbi 230 persona. Vetëm 3 ditë përpara votimit të së dielës, një polic u qëllua për vdekje dhe dy të tjerë u plagosën në qendër të Parisit, në një sulm të marrë përsipër nga Shteti Islamik.
Programi i Macron për sigurinë e brendshme bën thirrje për shtimin e 10 mijë oficerëve të policisë, si dhe 15 mijë vende të reja burgimi. Ai ka rekrutuar disa ekspertë sigurie në kabinetin e fushatës së tij, madje ka theksuar se Le Pen ka më pak eksperiencë në qeverisjen kombëtare nga vet ai.
Promo
Reklamo këtuLufta Prigozhin - Putin
Më shumë“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Çfarë thuhet në alarmin e NATO-s për aktivitetet 'armiqësore' ruse në Evropë?
Aktivistja nga Arabia Saudite dënohet me 11 vjet burgim "për shkak të veshjes"
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Zelensky tregon se kush janë ftuar në samitin e paqes në Zvicër
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe