Gjyqtarja e Gjykatës Themelore në Prishtinë, Alltene Murseli, ua ka vazhduar edhe për dy muaj masën e paraburgimit Murat Jasharit dhe Avni Llumnicës si të dyshuar lidhur me sulmin ndaj avokatit Azem Vllasi më 13 mars të këtij viti.
Sipas aktvendimit për caktimin e masës së paraburgimit, prokurori i Prokurorisë Speciale të Kosovës, si një nga arsyet për vazhdimin e kësaj mase përmend faktin se nëse të dyshuarit do të ishin në liri, do të mund të përsërisnin veprën penale.
“Duke u bazuar në mënyrën dhe rrethanat në të cilën është kryer vepra penale nga fakti se i pandehuri Murat Jashari me vetëdije ka dashur ta privojë nga jeta Azem Vllasin duke e cilësuar tradhtar të çështjes kombëtare, ndërsa i pandehuri tjetër, Avni Llumnica, duke i ditur veprimet e Jasharit i ndihmon të njëjtit, ekziston dyshimi i bazuar se të pandehurit po të gjendeshin në liri të plotë do të mund të përsërisnin veprën penale”, citon aktvendimi për vazhdimin e paraburgimit kërkesën e Prokurorisë.
Si rrethanë tjetër nga Prokuroria në kërkesën për vazhdimin e paraburgimit përmendet edhe fakti se dy të pandehurit janë shtetas të Zvicrës dhe se po të gjendeshin në liri do të mund të arratiseshin me qëllim që t’i iknin përgjegjësisë penale për shkak se për veprën që dyshohen parashihet dënim i rëndë.
Duke pasur parasysh këto rrethana, gjyqtarja Murseli pranoi kërkesën e Prokurorisë për vazhdimin e paraburgimit ndërsa refuzoi propozimin për dorëzani të avokatit Naim Rudari që mbron të dyshuarin Avni Llumnica.
Lidhur me këtë vendim, avokati Rudari paralajmëroi se do t’i drejtohet me ankesë Gjykatës së Apelit.
Sipas Prokurorisë, ekziston dyshimi i bazuar se Murat Jashari më 13 mars 2017 rreth orës 7:45 të mëngjesit me dashje që ta privojë nga jeta avokatin Azem Vllasi, ish-udhëheqës i lartë i Lidhjes Komuniste të Jugosllavisë, duke e cilësuar si tradhtar të çështjes kombëtare, e ka goditur me revole me shurdhues duke i shkaktuar lëndime të rënda.
Sipas Prokurorisë, me këto veprime ekziston dyshimi i bazuar se Murat Jashari ka kryer veprën hakmarrje në tentativë.
Murat Jashari ishte arrestuar ditën e njëjtë kur kishte ndodhur sulmi ndaj Vllasit ndërsa një ditë më pas i ishte caktuar masa e paraburgimit. /Kallxo.com/
Promo
Reklamo këtuLufta Prigozhin - Putin
Më shumëNga Rubrika
Vrau tri gra brenda pak orësh në Tiranë, Dan Hutra dëshmon në SPAK: Kam informacione për disa ngjarje kriminale
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
MPB jep detaje për aksidentin në Radovish
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City