LAJMI I FUNDIT:

Turqia përgatitet për ofensivë tokësore në Irak

Turqia përgatitet për ofensivë tokësore në Irak

Ankaraja zyrtare po përgatitet për një ofensivë tokësore, në veri të Irakut, kundër bazave të distancuara nga vatrat e konfliktit të separatistëve kurdë të Partisë së Punëtorëve të Kurdistanit (PKK), shkruan të enjten gazeta turke “Yeni Safak”.

Operacioni i emërtuar “Mburoja e Tigrit” do të pasojë operacionin “Mburoja e Eufratit”, me mision që prej 24 gushtit në veri të Sirisë kundër xhihadistëve të grupit të Shtetit Islamik (ISIS) dhe milicëve kurdë, që zyrtarisht përfundoi javën e kaluar.


Autoritetet turke nuk i konfirmuan menjëherë këto informacione, por presidenti Recep Tayyip Erdogan bëri të ditur këtë javë se “Mburoja e Eufratit” do të ketë një fazë të dytë si dhe një të tretë, në Siri dhe në Irak.

Operacioni   mund të nisë në fund të muajit prill ose në fillim të majit, pas referendumit më 16 prill në lidhje me zgjerimin e kompetencave të presidentit Erdogan, shkruan gazeta.

Sipas saj, tanke, materiale të artilerisë dhe automjete transporti të blinduara që do të përdoren për operacionin në Siri janë bërë gati.