Ruzhin: Ivanov mund të bëjë lëvizje të ngjashme si me faljen e kriminelëve

Tanimë kur nënshkrimet janë siguruar nga kryetari i LSDM-së, Zoran Zaevi, pritet që presidenti Gjorge Ivanov t’ia dorëzojë mandatin dhe të fillojë me negociatat për formim të qeverisë së re. Ish ambasaori i Maqedonisë në NATO, Nano Ruzhin, i pyetur nga “Faktor” deklaron se Zaevit duhet t’i jepet mandati, pasi arriti që të gjejë gjuhë të përbashkët me gjithë partitë politike parlamentare shqiptare. Sipas tij, Zaev nuk e ka ndryshuar Kushtetutën por vetëm ka pranuar atë që BDI ju ofron shqitarëve, njofton Telegrafi Maqedoni.

“Nuk e ka ndryshuar Kushtetutën, por vetëm ka pranuar atë që më herët e ka ofruar BDI-ja partive shqiptare. Vonesat e BDI-së janë një lëvizje taktike, që të relativizojnë hidhërimin e OBRM-PDUKM-së dhe këto mendime i kanë edhe shumë diplomatë të huaj. Kur tanimë është e qartë se mandatar duhet të jetë Zoran Zaevi, Ivanov mund të bëjë përsëri ndonjë lëvizje sikur “falja”, për të destabilizuar vendin. Në kushte të tillë edhe eurokomesari Johannes Hahn, i cili kishte simpati për OBRM-PDUKM-në theksoi se nuk ka vend për manovra të reja, ai vetëm rekomandoi që Ivanov t’ia jep mandatin Zaevit”, deklaroi Ruzhin./Telegrafi/