Gërmojnë nëpër lumin e ngrirë duke kërkuar flori: Në këtë fshat është aq ftohtë, sa që banorët nuk kanë nga çfarë të mbesin gjallë (Video)

Jeta në fshatin Tash-Bashat në regjionin Narjin në Kirgistan, nuk është aspak e lehtë. Gjatë muajve të vështirë të dimrit për shkak të mungesës së punës nëpër ferma, njerëzit gërmojnë duke kërkuar ari dhe atë gjë e bëjnë në ujërat e ngrira.

Ari është minerali i vetëm që gërmohet në Kirgistan. Miniera Kutmor arrin të prodhoj deri në 18 ton ari në vit, që do të thotë tetë për qind e prodhimit të brendshëm bruto. Por, në periferi të Tash-Bashatit nuk ka minierë. Ari mund të gjendet vetëm në ujërat e ngrira në lumin e Najrinit, transmeton Telegrafi.

Një pjesë e lumit që kalon përmes fshatit është e pasur me ar, por vetëm fshatarëve u lejohet ta kërkojnë. Njerëzit e tjerë nuk janë të mirëseardhur. Në këtë lumë ekzistojnë edhe dy vende tjera të tilla.

Çdo ditë nga dhjetori deri në fund të shkurtit, njerëzit shkelin nëpër ujin e akullt në kërkim të arit, duke u sfiduar nga temperaturat deri në minus 40.

“Me miqtë dhe shokët e shkollës vi në këtë vend për të kërkuar ari. Ata (miqtë) ndezin një zjarr për të tharë pajisjet tona. Pasi që është dimër, dhe temperaturat sillen deri në minus 40 gradë celsius, detyrohemi t’i shkrijmë pajisjet”, ka deklaruar Sanarbek Atabajev.

Banorët e këtij fshati janë detyruar të merren me kërkimin e arit, pasi që gjatë dimrit nuk ka punë tjera. Sipas tyre, më mirë të punojnë diçka sesa ta kalojnë ditën duke qëndruar të mbyllur në shtëpi. /Telegrafi/