Nisma për Kosovën nuk do të jetë pjesë e komisionit të caktuar nga Qeveria e Kosovës për matjen e territorit të vendit.
Nisma për Kosovën konsideron se kryeministri Isa Mustafa dhe Komisioni Shtetëror duhet të japin llogari për marrëveshjen e Demarkacionit me Malin e Zi.
Shefja e grupit parlamentar nga Nisma, Valdete Bajrami për Gazetën Monitor ka thënë se ftesa e kryeministrit Mustafa është vetëm për të fituar kohë.
Madje ajo ka pyetur Kryeministrin se nga do të fillojë demarkimi i territorit të Kosovës.
“Nisma për Kosovën nuk do të jetë pjesë e këtij komisioni dhe kjo iniciativë e z.Mustafa është për të fituar në kohë. Unë e kam një pyetje për z.Mustafa se nga do ta fillojë matjen? Sepse, siç e dini vendi jonë nuk e ka demarkimin me Shqipërinë, me Serbinë dhe me Malin e Zi”, ka thënë Bajrami.
Bajrami ndër të tjera ka theksuar se komisioni shtetëror duhet të jap llogari për marrëveshjen e arritur me Malin e Zi.
Sipas saj, gjithçka duhet të kthehet në pikën zero.
“ Prandaj, z.Mustafa dhe Komisioni shtetëror duhen të japin llogari për marrëveshjen e arritur me Malin e Zi, sepse është dëshmuar se këta të njëjtit e kanë rrezikuar territorin e shtetit dhe t’i lënë këto lojëra sepse shumë qesharak janë bërë. Duhet të dinë të gjithë se Nisma për Kosovën e ka qëndrimin e saj për marrëveshjen e Demarkimit dhe kërkojmë prapë që kjo e njëjta të kthehet në pikën zero”, ka theksuar Bajrami. /Gazeta Monitor/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251