Konsumatorët kosovarë blejnë rreth 50 milionë litra qumësht e produkte të qumështit me bazë vajin e palmës indoneziane dhe malajziane, pa qenë të informuar rreth përmbajtjes së tyre. Konsumatorët bien pre e çmimeve më të lira, që këto produkte kanë.
Shoqata e Qumështarëve të Kosovës e ka ngritur disa herë zërin rreth kësaj dukurie.
Sipas Ramadan Memajt – Kryetar i Shoqatës së Qumështorëve të Kosovës, shteti nuk e ka rregulluar importin e yndyrës bimore dhe dedikimin.
“Çështja rëndohet kur këto prodhime hyjnë edhe jashtëligjshëm”, thotë Mema.
Ai thotë se qytetarët po blejnë produkte të qumështit, në emër të qumështit, kosit, djathit të mirëfilltë e në fakt nuk kanë informacion se të gjitha këto, nën logon e disa firmave, brendeve, janë të prodhuara me bazë vajin e palmës. “Tragjedia e kësaj rëndohet nëse e bëjmë një llogari, ku brenda një viti Kosovës i plasohen në treg 50 milion litra qumësht i tillë. Kjo do të thotë rrënim i sektorit të qumështit dhe drejtpërdrejt rrënim i shëndetit të konsumatorit”, deklaron Mema.
Konsumatorët shumë pak janë të informuar me këtë fenomen. Shemsi Pishtani thotë se pak ka dëgjuar për këtë gjë.
“Që shitet qumështi me bazë vajin e palmës, këtë e besoj. Në Kosovë dihet se mungon kontrolli. Për vete nuk rrezikoj me produkte të dyshimta, andaj jam konsumator i produkteve nga ‘Vita’. Por kjo problematikë duket më serioze se sa që paraqitet. Shteti duhet të kryejë punë”, përfundon Pishtani.
Për këtë çështje ka reaguar edhe Oda Ekonomike e Kosovës. Kryetari i saj, Safet Gërxhaliu thotë se me vëmendje po e përcjellin këtë shqetësim mbi të cilin kërkojnë veprim e fjalë.
“Nëse lejohet import i vajit të Palmës në mënyrë të pakontrolluar, atëherë ne mendojmë se po sulmohet njëri ndër sektorët më të fuqishëm të bujqësisë kosovare, çfarë është sektori i prodhuesve dhe përpunuesve të qumështit. Prandaj në këtë drejtim kërkojmë më shumë transparencë dhe mbi të gjitha të dëshmohet se për ekonomi dhe procese ekonomike të mos flitet por të veprohet”, thotë Gërxhaliu.
Mungesa e ligjeve dhe rregulloreve adekuate për këtë dukuri po e dëmton rëndë industrinë e prodhimit të qumështit.
Produktet me bazë vajijn e palmës, përveç përbërjes ushqyese dhe ndikimit të saj në shëndet, po dalin edhe më të lira në treg për shkak të vlerës së ulët që e kanë në vendet e origjinës.
Driton Shkololli, drejtor i prodhimit në Qumështoren “Vita”, thotë se ka kohë që kompania që ai drejton është duke u përballur me këtë problem.
“Ky shqetësim nga ana jonë është ngritur që moti në të gjitha instancat. Kjo gjë, atakon drejtpërdrejt fermerin e qumështit, prodhimet, buxhetin e shtetit e mbi të gjitha konsumatorin”, thotë Shkololli.
Ai thotë se adresim i i duhur i kësaj çështje ka hasur në pengesa me disa nga qumështoret vendore të cilat pothuaj janë identike me produktet e importit me origjinë të ynydrës bimore.
Vaji i palmës ka goditur rëndë edhe veprimtarinë e fermerëve kosovarë.
Besim Kuçi, Kryetar i Shoqatës së Fermerëve Kosovarë, flet për shqetësimin në rritje.
“Ne i përfaqësojmë mbi 1 500 fermerë të cilët i bashkohen këtij shqetësimi të ngritur. Pra prodhimet e produkteve qumështore, me bazë yndyrën bimore, janë rrezik për shuarjen e fermave, por rreziku më i madh qëndron se me to, çka po konsumojnë dhe çka po blejnë qytetarët”, tha Kuçi. /Telegrafi/
Lufta Prigozhin - Putin
Më shumëNga Rubrika
Vazhdon qarkullimi i parave false në Kosovë – raportohen tri raste në polici
Nissan X-Trail, hibridi më i avansuar në treg
Pas serisë së librave “Wider World” – “Pearson”, BBC dhe “Dukagjini” sjellin tekste të reja shkollore edhe për klasat 10, 11, 12
Diplomë e Burimeve Njerëzore që njihet në Evropë, a ja vlen?
Korporata Rugove lanson në treg produktet e reja të qumështit
Shijo këtë verë deri në MAXIMUM!
Zbulo produktet më të reja në Evapify
Kreu i ATK-së: Ka rritje të bizneseve që regjistrohen për çështje tatimore në veri
Fivestar Fitness sjell koleksionin më cilësor të veshjeve sportive Fivestar Nation
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete