Letër e hapur e ministres Arsovska-Tomovska drejtuar OSBE/ODIHR

Ministrja e Shoqërisë Informatike dhe Administratës, Marta Arsovska-Tomovska sot përmes një letre të hapur, informoi misionin e OSBE/ODIHR se sektori publik në këtë moment është lëndë e keqpërdorimit sistematik dhe të orkestruar nga politikanët, bartës të funksoineve publike, gazetarë dhe ekspertë, përcjell Telegrafi Maqedoni.

Arsovska-Tomovska në letër thekson se në tërësi i mbështet aktivitetet e drejtuara për parandalimin e parregullsive zgjedhore, por është kundër keqpërdorimit të të punësuarve në sektorin publik për marketin politik.

Ajo bën thirrje edhe për seriozitet dhe pjekuri politike të të gjithë të involvuarëve në procesin zgjedhor, ndërsa nga OSBE/ODIHR kërkon ndjekje objektive të të gjithë situatës si dhe raportimin objektiv për procesin zgjedhor, vetëm në bazë të dëshmive dhe fakteve.

“Marketingu u lirë politik dhe krijimi i përceptimit për presione zgjedhore ndoshta dikujt sot do t’i sjell pika të vogla politike, por nesër mund ta prish kredibilitetin e procesit zgjedhor dhe me këtë t’i shkaktojë dëm të madh shtetit”, shkruan mes tjerash ministrja në letrën e saj drejtuar OSBE/ODIHR./Telegrafi/