Përkundër se është personazh i njohur, DeGeneres nuk lejohet të hyjë në Shtëpinë e Bardhë pa letërnjoftim (Foto/Video)

Se nuk ka shaka me sigurimin e Shtëpisë së Bardhë e ka konfirmuar Ellen DeGeneres.

Aktorja, komikja dhe moderatorja e famshme ka qëndruar në Washington për të marrë Medaljen presidenciale të Lirisë, mirëpo meqenëse e kishte harruar letërnjoftimin, ajo e ka pasur të vështirë që të hynte brenda, ku ishte ftuar nga presidenti në largim, Barack Obama.

“Akoma nuk më kanë lënë të hyj në Shtëpinë e bardhë, sepse e kam harruar letërnjoftimin”, ka shkruar Ellen në Twitter duke publikuar edhe një fotografi të sajën në Washington D.C.

They haven't let me in to the White House yet because I forgot my ID. #NotJoking#PresidentialMedalOfFreedom pic.twitter.com/sHocwqChKV

— Ellen DeGeneres (@EllenDeGeneres) November 22, 2016

Pas kryerjes së procedurave të sigurisë, Ellen është lejuar të hyjë brenda Shtëpisë së Bardhë dhe menjëherë e ka bërë trend në rrjetet sociale. Ajo madje ka publikuar një video të ‘MannequinChallenge’ nga Shtëpia e Bardhë.

I'm in. pic.twitter.com/oU344pnYsH

— Ellen DeGeneres (@EllenDeGeneres) November 22, 2016

DeGeneres është një prej 21 personave që kanë marrë nderimin më të lartë qytetar nga Obama. Kjo është hera e fundit që presidenti Obama nderon individët, si Diana Ross, Michael Jordan e të tjerë. /Telegrafi/