Një 53-vjeçar i akuzuar se ka përndjekur në mënyrë të vazhdueshme pronaren e një dyqani në kryeqytet, është dënuar së fundmi nga Gjykata e Tiranës me 15 muaj burg, por duke përfituar nga gjykimi i shkurtuar, A.Kuta do të vuajë vetëm 10 muaj heqje lirie.
Sipas vendimit të gjykatës, 53-vjeçari A.Kuta, i martuar dhe me arsim të lartë, ishte paraqitur si lypës në dyqanin e SH.B. duke i kërkuar ushqim, por më pas u shndërrua në një përndjekës.
Gruaja ka bërë kallëzim në polici, me pretendimin se “lypësi” i kishte vendosur edhe thikën në fyt, për ta detyruar të martohej me të. I pyetur në cilësinë e personit nën hetim, i pandehuri A. Kuta, ka shpjeguar se e ka ndjekur shtetasen Sh.B., sepse e kishte zgjedhur dhe donte ta merrte për nuse.
Në kallëzimin e saj, pronarja e dyqanit ka shpjeguar se, që nga dhjetori i vitit 2015, ajo përndiqej nga i A.Kuta. Më konkretisht, ajo ka shpjeguar se, në dyqanin ku tregtonte artikuj si bizhuteri, kozmetikë dhe argjend, kishte hyrë një person si lypës dhe i kishte kërkuar të holla për të blerë cigare.
Ajo i kishte dhënë para, sepse i kishte ardhur keq për të, por i pandehuri A.Kuta kishte filluar të shkonte çdo ditë në dyqan, duke i thënë se nuk kishte se çfarë të hante. Ajo i porosiste diçka për të ngrënë. Kjo situate ka vazhduar rreth 15 ditë.
Më pas, kallëzuesja ka shkuar në Itali tek i biri, i cili është me studime atje dhe është kthyer në datën 05.01.2016. Pas kësaj date, i pandehuri, ka shkuar përsëri në dyqanin e saj, duke i bërtitur dhe duke e kërcënuar se e kishte lënë pa ngrënë. Pas disa ditësh, ka shkuar përsëri në dyqan, por kësaj radhe kishte edhe një thikë me vete, të cilën ja ka afruar deri në fyt, duke i zgjatur një letër dhe stilolaps për të firmosur që të martohej me të. Kjo gjendje ka zgjatur rreth 4 minuta, pasi gruaja kishte shtypur butonin e alarmit dhe aty kishte mbërritur një nga punonjësit e shoqërisë së policisë private, te cilët e kishin kapur të pandehurin dhe kanë lajmëruar policinë.
Por ,Kuta ka ikur me vrap dhe nuk është bërë e mundur të kapet as nga patrulla e policisë së shtetit, e cila kishte mbërritur ndërkaq tek dyqani.
Po atë ditë, pas rreth dy orësh, ai kishte shkuar tek dyqani i saj, i maskuar si grua dhe i kishte thënë pronares se, në se do të bënte njoftim në polici, do ta zhdukte brenda 24 orëve.
Më datën 08.05.2016, rreth orës 20:00, gruaja ka qenë me dy shoqet e saj dhe Kuta i kishte ndjekur nga prapa me një thikë, duke i kërcënuar dhe trembur, shkruan ‘Standard’. Pronarja e dyqanit nuk ka kallëzuar në polici nga frika se mos i pandehuri i bënte keq.
Në periudhën prill-maj 2016, i pandehuri i ka shkuar gjithmonë nga prapa kallëzueses, duke e ndjekur dhe kërcënuar, duke e përndjekur në çdo vend ku ajo shkonte, duke ja bërë, sipas saj, jetën “ferr”, dhe duke mos gjetur dot qetësi për shkak të tij.
Në datën 26.05.2016, i pandehuri i ka shkuar përsëri tek dyqani dhe ajo është detyruar të bëjë kallëzim penal në polici. I pyetur në cilësinë e personit nën hetim, i pandehuri A. Kuta, ka shpjeguar se, e ka ndjekur shtetasen Sh.B,, sepse e kishte zgjedhur dhe donte ta merrte për nuse. Këtë shtetase, vazhdon ai, e kam njohur tek dyqani i saj, ku ai ka blerë artikuj të ndryshëm deri në vlerën 30.000 lekë. “E kisha fiksim dhe doja që të martohesha me të”. Ai ka theksuar se nuk është person problematik dhe nuk shqetëson njeri, por zonjën Sh.B ka dashur ta marrë për grua se e ka pasur shumë qejf.
Promo
Reklamo këtuLufta Prigozhin - Putin
Më shumëPublikohen pamjet kur avokati Sokol Mëngjesi goditet me dorezë hekuri
Elshani: Shumë shpejt do të hapet për qarkullim ura e Ibrit në Mitrovicë
Pasi dështoi shpërndarja e Kuvendit, deputetët e PDK-së e quajnë Kurtin "mjeshtër të mashtrimit"
Sherri ku u plagosën tre persona në Pejë nisi për një veturë “Golf III”
Kryeziu: Përplasjet Qeveri-Presidencë në disfavor të Kosovës
Ahmeti: Presim mbështetjen e qytetarëve në mbrojtjen e legjitimitetit dhe Marrëveshjes së Ohrit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
“Edhe ti mendon që Kurti është i rekrutuar i Serbisë”, “Unë nuk mendoj, unë e di” – përplasje mes Dibran Hoxhës dhe Lirim Mehmetaj
Po transferohet te Real Madridi, por Mbappe është tifoz i madh i një skuadre tjetër - ia shikon çdo ndeshje
Nikki Haley shkruan në raketën izraelite të drejtuar për në Gaza: Jepuni fund, Amerika e do Izraelin
PSG do ta largojë në huazim – Xavi Simons tashmë ka zgjedhur klubin e tij të ardhshëm
Shkaku i Xavit po largohet një yll nga Barcelona
Biznesmeni shqiptar i drejtohet Besit pas ndarjes nga Xhensila: Të pata thënë, më vjen keq por ke shpëtuar një herë e mirë