Njohësit e çështjeve politike thonë se zotimi i liderit të partisë shqiptare në pushtet,Ali Ahmeti, i cili në një tubim para forumit rinor të partisë së tij, është zotuar se do të angazhohet që të përmbyllet përfundimisht çështja e gjuhës shqipe nuk është asgjë tjetër përpos mungesë ideje për të zgjidhur problemet me të cilat përballen shqiptarët, shkruan REL.
Ata thonë se Ahmeti “ka harruar se pikërisht kjo parti ka qenë në pushtet për14 vite”.
Lideri i BDI-së, Ahmeti, tha gjithashtu se do të bëjë “që gjuha shqipe të përdoret si gjuhë zyrtare në tërë territorin e Maqedonisë”.
“Mos pasja e ndonjë alternative zgjedhore e detyron Bashkimin Demokratik të kthehet në tema të cilat është dashur të zgjidhen që para 15 vitesh, si obligim që buron nga Marrëveshja kornizë e Ohrit.”
“Fokusimi i partisë shqiptare në pushtet në çështjen e gjuhës ka për qëllim që të dëmtojë opozitën shqiptare, që si shtyllë bazë ka synimin e zgjidhjes së kësaj çështje”, thekson Selim Ibrahimi, Drejtor i Qendrës për Studime te Sigurisë.
Ndryshe, gjatë ditës së diel, lideri i Bashkimit Demokratik për Integrim, Ali Ahmeti, në shpalosje të platformës së partisë ka theksuar pesë pikat kyçe të saj, në mesin e të cilave; mandati i përhershëm i prokurorisë speciale publike, barazi të plotë ekonomike, vendimmarrje konsensuale, angazhim për integrimin e vendit në BE dhe NATO dhe njëherësh duke u fokusuar në çështjen e përdorimit zyrtar të gjuhës shqipe.
“Gjuha shqipe, si gjuhë zyrtare, sigurisht që duhet të përmbyllet, e tërë procesi i marrëveshjes paqësore të Ohrit .Marrëveshja paqësore e Ohrit dhe kushtetuta e Republikës së Maqedonisë e definon qartë gjuhën shqipe, gjuhën të cilën e flasin mbi 20% të popullatës, e cila gjithashtu është gjuhë zyrtare”, ka theksuar lideri i BDI-së, Ali Ahmeti.
Por, Dervish Alimi, ligjërues në Universitetin Shtetëror të Tetovës në departamentin e gjuhëve, thotë se moszgjidhja e statusit të gjuhës shqipe edhe 15 vite pas nënshkrimit të marrëveshjes së Ohrit krijon barriera të mëdha sa i përket avancimit pikërisht të administratorëve të rinj shqiptarë, të cilët janë të punësuar qoftë në institucionet e pushtetit lokal apo atij qendror
“Mungesa e një ligji të qartë që e definon gjuhën shqipe si gjuhë zyrtare paraqet hendikep për administratorët shqiptarë, të cilët kanë studiuar në gjuhën shqipe dhe që ballafaqohen me probleme rreth përdorimit të terminologjisë profesionale, i bën të duken se janë të aftë në kryerjen e detyrave kundrejt adminsitratorëve maqedonas.”
“Kështu që premtimi i zgjidhjes së statusit të gjuhës shqipe është vazhdimësi e premtimeve të kahershme. Një parti e cila është në pushtet 14 apo 15 vite është e pakuptimtë të flet në kohën e ardhshme, sepse ka pasur kohë aq shumë vite për të realizuar këto obligime që burojnë nga marrëveshja e Ohrit, por duhet të fokusohet në atë se çka ka bërë deri më tani”, thekson Dervish Alimi, profesor universitar.
Ndryshe, në Kushtetutën e Maqedonisë nuk është definuar qartë se gjuha shqipe është gjuhë zyrtare, por ajo përkufizohet si gjuhë që e flasin mbi 20 për qind e shtetasve në Maqedoni. Në nenin 7 të kushtetutës thuhet : “Në tërë territorin e Republikës së Maqedonisë dhe në marrëdhëniet e saj ndërkombëtare gjuhë zyrtare është gjuha maqedonase dhe shkrimi i saj. Gjuhë tjetër të cilën e flasin së paku 20% e shtetasve, gjithashtu, është gjuhë zyrtare”.
Ky përkufizim krijon hapësirë për interpretime të ndryshme, pasi në vazhdim të nenit 7 ajo përkufizohet si zyrtare, vetëm se në njësitë e pushtetit lokal, ku pjesëtarët e bashkësive etnike që janë mbi 20 për qind do të mund të përdorin gjuhën e tyre në komunë, si dhe në komunikimin me pushtetin qendror.
Promo
Reklamo këtuLufta Prigozhin - Putin
Më shumëVuçiq reagon pas vendimit të Kosovës për heqjen e kufizimit për mallrat nga Serbia
Buzhala paralajmëron padi për "gurthyesin": Jam shty me Hashim Thaçin e jo me Xhelal Sveçlën
Shpërthimi i molotovëve dhe përplasjet e dhunshme me protestuesit: 10 policë të plagosur në tubimin e opozitës
Profesori serb: Që nga viti 1997 erdha prap në Prishtinë, i kërkoj falje popullit të Kosovës për humbjet dhe dhimbjet nga Serbia
Përshkallëzohet protesta, efektivi i policisë dhe qytetari përfshihen nga flakët
Thaçi: Unë dhe PDSH-ja nuk jemi më pjesë e Frontit Europian
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës