Fushata presidenciale në Shtetet e Bashkuara u trondit përsëri kur FBI-ja njoftoi anëtarët e Kongresit se po rihap hetimet për përdorimin e një serveri email-i privat nga zonja Clinton gjatë periudhës që ajo ishte Sekretare Shteti.
Njoftimi u bë vetëm 11 ditë nga data 8 nëntor, kur amerikanët do të zgjedhin presidentin e ardhshëm të vendit.
Gazeta “Washington Post” njoftoi sot se zyrtarët e Departamentit të Drejtësisë e kanë paralajmëruar drejtorin e FBI-së, zotin Comey, se praktika e të njoftuarit të Kongresit për rifillimin e një hetimi nuk është në përputhje me praktikat e këtij departamenti. Gjithashtu, zyrtarët i kanë thënë zotit Comey se departamenti nuk komenton për një hetim që është duke u zhvilluar dhe se nuk ndërmerr hapa që mund të shihen si përpjekje për të ndikuar tek zgjedhjet.
Lajmi se FBI-ja po rishqyrtonte çështjen e email-eve të zonjës Clinton qarkulloi ndërsa ajo po mbërrinte për një tubim në Iowa. FBI-ja njoftoi anëtarët e Kongresit se po shqyrton tashmë email-e të sapozbuluara që dolën në dritë në kuadrin e një tjetër hetimi për ngacmime seksuale të një ish-ligjvënësi demokrat, Anthony Weiner.
Weiner është ish-bashkëshorti i Huma Abedin, një prej ndihmëseve kryesore të zonjës Clinton. Rivali republikan, Donald Trump, e shfrytëzoi menjëherë këtë zhvillim gjatë një tubimi në New Hampshire.
“FBI-ja i ka dërguar letër Kongresit për të informuar se kanë zbuluar email-e të reja për hetimin e ish-sekretares së shtetit, Hillary Clinton.” Në muajin korrik, drejtori i FBI-së, James Comey, pati konkluduar se përdorimi i një serveri privat nga zonja Clinton ishte veprim i pakujdesshëm, por nuk paraqiste elemente penale.
“Megjithëse nuk gjetëm prova se Sekretarja Clinton dhe kolegët e saj synonin të shkelnin ligjet për mbrojtjen e informacionit të klasifikuar, ekzistojnë prova se ata ishin jashtëzakonisht të shkujdesur në trajtimin e informacioneve shumë sensitive dhe të klasifikuara.” Anketimet tregojnë se për votuesit, zonja Clinton është më pak e besueshme për shkak të çështjes së email-it.
Zoti Trump ka dënuar prej kohësh vendimin e FBI-së për të mos ngritur akuza ndaj zonjës Clinton. Tashmë ai foli me ton më të fortë në New Hampshire. “Ky ishte një dështim i rëndë i sistemit të drejtësisë, që amerikanët e kuptojnë shumë mirë dhe që të gjithë shpresojnë se do të korrigjohet.”
Zonja Clinton foli dje për çështjen nga Iowa.
“Populli amerikan meriton të dëgjojë menjëherë të gjitha faktet e plota. Vetë drejtori i FBI-së thotë në letrën e tij se nuk e di nëse email-et në fjalë janë domethënëse apo jo. Kam besim se çfarëdo që të jenë, nuk do të ndryshojnë përfundimet e arritura në muajin korrik.”
Ndërsa republikanët mirëpritën këtë hap të FBI-së, të tjerë e kritikuan.
“Jam i neveritur. Ky është keqpërdorimi më joprofesional dhe i paprecedent i pushtetit nga Departamenti i Drejtësisë në gjithë historinë amerikane.”
Ky zhvillim i ri e shtoi pasigurinë në këtë fushatë presidenciale të gjatë dhe përçarëse.
Anketimet vazhdojnë të tregojnë se zonja Clinton është në avantazh përballë zotit Trump, si në nivel kombëtar, ashtu edhe shumë shtete kryesore fushëbeteje që do të përcaktojnë rezultatin e 8 nëntorit. /VOA/
Promo
Reklamo këtuLufta Prigozhin - Putin
Më shumëVeshi një kostum special dhe lejoi anakondan ta gëlltiste - gjërat shumë shpejt u përkeqësuan
“Pse nuk ke para”, babai gjunjëzohet para së bijës se nuk i blen dot një iPhone
Pas miratimit të rezolutës që njeh gjenocidin në Srebrenicë, Dodik thotë se serbët do të shkëputen nga Bosnja
"Ata vranë burrin tim", alarmon eurodeputetja italiane pasi burri i saj gjendet i vdekur
Vuçiq: Sonte përfundoi karriera ime
SHBA-ja i kërkon Gjeorgjisë që të heqë dorë nga "ligji rus për agjentët e huaj"
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi