Luksi i Ademit nëpër restorante e hotele me 5 yje (Dokument/Video)
Populli thotë, “paratë e huaja lehtë harxhohen”. Por kur llogarinë e paguan shteti, për çmimin nuk pyetet. Me paratë e popullit, kanë ngrënë dhe kanë pirë funksionarët, ish ministri i Arsimit dhe Shkencës, Abdulaqim Ademi dhe zëvendësi i tij, Spiro Ristovski.
Kështu shkruan sot NOVATV e cila ka ardhur deri te të dhënat për udhëtime zyrtare, por edhe drekave dhe darkave të cilat, të përmendurit i kanë ngrënë nëpër restorante luksoze.
Sipas dokumenteve, Ademi dhe Ristovski, kanë jetuar në shpinë të shtetit. Kanë ngrënë në restorantet më të mira, me ushqime më kualitative, ndërkaq kanë fjetur nëpër hotele me minimum 4, 5 yje. Pjesa më e madhe e të dhënave është për ish ministrin Ademi. Nëse mblidhen të gjitha llogaritë, Ademi nga 1 janari deri në fund të muajit maj, nga llogaria e tij zyrtare ka harxhuar hiç më pak se 20.000 euro.
Të gjitha këto para janë harxhuar në restorantet elite si “Vodenica”, “La Teraca”, Restoranti “Momir” në Ohër, “Mikei” në Kamnik. Shumat janë të ndryshme, duke filluar që nga ato llogaritë më të thjeshta prej 1.000 denarëve e deri te ato me 40.000 denarë. Për biftek viçi Ademi ka paguar 5.200 denarë, por ajo i ka ardhur pak dhe ka porositur edhe mish viçi të pjekur prej 1.820 denarë. Në Restorantin “Momir” në Ohër, llogaria e darkës ka arritur 19.300 denarë. Disa llogari, si ajo e Ristoskin në “Skara Bar”, kanë arritur deri në 39.000 denarë për një darkë, të paguara nga kartela e buxhetit zyrtar.
Si duket një darkë e Ademit në Restorantin “Vodenica”?
Kaçkavall italian – 1 copë 250 denarë
Pinxhur dhe ajvar – 260 denarë
Dy sallata rukolla – 54- denarë
Biftek Talata – 1300 denarë
Biftek në skarë – 1300 denarë
Orade në skarë – 750 denarë
3 shporta bukë – 450 denarë
Krem karamel, kungull të nxehtë dhe të ftohtë – 74 denarë
Kjo darkë ka qenë për dy deri në 3 persona dhe ka kushtuar 8190 denarë.
Gjatë vitit të kaluar, zëvendësi i tij, nga janari deri në maj, në shpinë të qytetarëve ka harxhuar 7.500 euro për, prej të cilëve pjesën më të madhe e ka harxhuar në Restorantin “Skara Bar” në Taftalixhe. Ai më shumë ka ngrënë edhe në “Fitnes Haus”, restorant i njohur për ushqim të shëndetshëm, por ai ka ditur t ë ulet edhe në “Dezhavu” ose në “Ekvistrijan” të Aerodromit.
Kur bëhet fjalë për udhëtimet, thuajse në të gjitha ato që i ka realizuar, ministri Ademi ka qenë i shoqëruar me Adriana Kamilin, e punësuar në kabinetin e tij. Në shkurt të këtij viti, delegacion i udhëhequr nga Ademi ka qenë në udhëtim zyrtar në Slloveni. Nga llogaritë fiskale të restorantit mund të shihet se nuk kanë kursyer kur kanë porositur në llogari të shtetit. Përskaj darkave të shtrenjta, me mish viçi, verë e torta “Nutela”, 5 personat të cilët kanë qenë në Slloveni, e kanë vizituar edhe një shpellë për të cilën për hyrje kanë paguar 134 euro, plus dhe 300 euro për përkthyes nga gjuha sllovene.
Kur ka udhëtuar Ademi, çdoherë ka fjetur në hotelet më të shtrenjta. Ai dhe bashkëpunëtorja e tij e kabinetit, gjatë vitit të kaluar në Turqi kanë qëndruar në Hotel me 5 yje dhe kanë dhënë thuajse 2.000 euro vetëm për tre ditë. Edhe në Split kanë qëndruar në hotel me 5 yje, në të cilin janë harxhuar 1.982 euro në llogari img_4297-768x512të shteti, por edhe 358 euro shtesë janë harxhuar për harxhime tjera më të vogla, përcjellë Portalb.
Deri më tani, prokurori shtetëror heshtë. Pritet të shohim se a do të ketë bazë për ndjekje penale për harxhim jo-efikas të parave të shtetit nga Ministria e Arsimit. “Dituria është forcë, dituria është fuqi”. Këtë fushatë Ministria e Arsimit e ka bërë me qëllim që t’i nxisë të rinjtë e Maqedonisë që të mësojnë, për të qenë të suksesshëm në Maqedoni. Por, tani për tani, në Maqedoni ende jeton maksima klientaliste “Deri në fuqi dhe para të ëmbla arrihet nëpërmjet karriges shtetërore”.
Këtu mund t’i shihni të gjitha dokumentet e llogarive fiskale të restoranteve, të cilat janë paguara nga Ademi dhe Ristevski me kartelën zyrtare. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit