Imami turk që kujdeset për kishën historike armene

Imami i xhamisë në lagjen Terzili në qarkun Sarıkaya në Yozgat të Turqisë, Metin Halici, mirëmban dhe pastron një kishë historike armene.

Armenët të cilët deri në vitin 1960 kanë jetuar në lagjen Terzili, por më vonë kanë emigruar në vende të ndryshme.

Armenët të cilët vijnë nga Argjentina, SHBA-të, vendet të tjera por edhe nga vise të ndryshme të Turqisë lirisht mundë të bëjnë lutjet e tyre në kishën e cila mirëmbahet dhe pastrohet nga imami.

Halici i cili rreth 13 vite është në detyrë në xhaminë e lagjes Terzili, në deklaratën për gazetarin e Anadolu Agency (AA), tha: “Në këto vende në Perandorinë Osmane kishte tolerancë ndaj faltoreve që u takonin religjioneve të ndryshme. Edhe ne mundohemi që të tregojmë këtë tolerancë, duke e pastruar këtë kishë dhe duke e mbajtur gati për lutje. Faltorja e armenëve është këtu. Në përgjithësi këtu vijnë gregorianët ortodoksë. Edhe shoku i im i cili para meje ka qenë në detyrë e ka bërë të njëjtën!|

Sipas tij, ata të cilët vijnë për t’u lutur në kishë e falënderojnë atë dhe familjen e tij për përkushtimin e treguar.

“Ata janë të kënaqur që një klerik pjesëtar i një etniteti tjetër fetar mirëmban dhe e pastron faltoren e një religjioni tjetër. Ata largohen nga këtu duke na falënderuar”, tregon shton ai.