Hamiltonit i dështoi motori, Ricciardo triumfon në Malajzi

Daniel Ricciardo është fituesi i Çmimit të Madh të Malajzisë, gjë që shënon suksesin e tij të parë sezonal. Pavarësisht nivelit të lartë që treguan të dyja makinat Red Bull, arritja e kësaj fitoreje erdhi si një dhuratë nga problemet e motorit të Mercedesit të Lewis Hamiltonit.

Më pas, gjërat u bënë më të thjeshta për skuadrën austriake të Red Bullit që me Daniel Ricciardon në vendin e parë dhe Max Verstappen në vendin e dytë shkuan të qetë deri në vijën e finishit.

Ndërkohë, nuk pati asnjë mundësi të merrte më tepër se vendi i tretë Nico Rosberg. Që në start, gjermani pësoi një aksident nga Vettel, duke shkuar në fundin e renditjes, ndërkohë që gjermani i Ferrarit mbylli garën aty.

Në fundin e garës, për shkak të një parakalimi të dhunshëm ndaj Raikkonen, Rosberg u penalizua me 10 sekonda, megjithatë arriti që në finish të linte mbi 12 sekonda prapa Raikkonenin e si rrjedhojë të mbante vendin e tretë dhe finlandezi i Ferrarit të qëndronte në vendin e katërt.

Me këtë sukses, gjermani thellon avantazhin ndaj Hamiltonit në krye të klasifikimit (+23), ndërkohë që gara e radhës në fundjavën e ardhshme do të zhvillohet në Japoni. /TCH/