Këshilli për Mbrojtjen e të Drejtave e Lirive të Njeriut, përmes një njoftimi për media, ka bërë të ditur se banues të ndërtesës në lagjen “Dardania” kanë vizituar zyrën e tyre, për të paraqitur shqetësimet e tyre rreth zhvillimeve të fundit me ç’rast janë nxjerrë në rrugë disa familje, pa iu siguruar një vendbanim, qoftë edhe të përkohshëm, deri në një zgjidhje përfundimtare.
Në njoftim për media thuhet se ata kanë kërkuar nga KMDLNj që të monitorojë procesin e dëbimit nga banesat në ndërkohë që monitorues të KMDLNj–së ishin aty.
“KMDLNj ka kontaktuar komandantin e Policisë që asistonte në zbatimin e një vendimi të Gjykatës për lirimin e banesave të uzurpuara sikur edhe me banues të kësaj ndërtese. KMDLNj e ripërsëriti kërkesën se largimin i banorëve nga këto banesa përkatësisht lirimi i 131 banesave me së paku 1000 banorë është në kundërshtim me të drejtat e njeriut sepse është e pamundur të bëhet zgjedhje të çështjes së banimit brenda 24 orëve.KMDLNj mendon se është dashur dhe duhet të bëhet një zgjidhje edhe për nxënësit që vijojnë mësimet në shkollat e afërta, “Xhemajl Mustafa” dhe “Dardania” sikur edhe me persona të moshuar apo të sëmurë që nuk mund të lëvizin brenda një dite”, thuhet në njoftim.
Sipas KMDLNJ-së, nëse pjesa dërrmuese e banuesve ka kaluar 17 vite në ato banesa është dashur të tregohet edhe një tolerancë 6 mujore që të bëhen përpjekje për zgjidhje të pranueshme për të dyja palët.
“KMDLNj ka biseduar me banuesit e kësaj ndërtese dhe u ka bërë të ditur se vetëm dëshmia mbi pronësinë e banesave është ajo që mund të mbështetet në ndërkohë që asnjëri nga ata nuk kanë dëshmi mbi pronësinë prandaj edhe nuk janë pronarë të ligjshëm. Banorët e pranojnë këtë mirëpo e kontestojnë pronësinë e kësaj ndërtese nga ana Ndërmarrjes Banesore Publike. Përkundër faktit se vendimet për lirimin e banesave u janë dorëzuar në vitin 2009, banorët këmbëngulin se ata duhet jenë adresa e parë e cila duhet t’i blejë këto banesa dhe se NBP po del me pronarë fiktiv të këtyre banesave në emër të KEK – ut, Postës dhe Ministrisë së Punëve të Brendshme. KMDLNj insiston edhe një herë që afati i largimit të banorëve të shtyhet për së paku 6 muaj shkaku se është krijuar një situatë e tensionuar, e rëndë për banuesit dhe fëmijët e tyre që janë në ankth sikur edhe një situatë e rëndë për Po licinë e Kosovës. Tensionimi i mëtejmë i situatës shkon në dëm të të gjithëve dhe askush këtu nuk ndahen fitues. KMDLNj kërkon edhe nga Ndërmarrja Banesore Publike të tregohet më tolerante, të ofrojë një mundësi për banorët e këtyre banesave dhe të mos insistojë ta zgjidhë problemin me dëbim të banorëve për një afat 10 ditësh”, vazhdon njoftimi nga KMDLNJ.
KMDLNj vlerëson zhvillimet e sotme, që kanë qenë të qeta dhe pa provokime, ndërsa ka përmendur edhe rastin që ndodhi me gjyqtarin, me që rast janë ndaluar dy persona.
Po ashtu, KMDLNJ ka kërkuar nga Policia e Kosovës që t’iu krijojë më shumë hapësirë mediave të cilat nuk kanë pasur qasje të mjaftueshme për kryerjen e punëve të tyre.
“Edhe monitoruesit e KMDLNj –së kanë qenë të kufizuar në procesin e monitorimit shkaku se nuk iu është lejuar të jenë të pranishëm gjatë hapjes së dyerve të banesave, zhvillimeve brenda banesave si dhe largimit të gjësendeve të konfiskuara në këto banesa. Për qytetarët është shumë e rëndësishme transparenca e këtij procesi prandaj është edhe interesi i Policisë së Kosovës të jetë më transparente dhe të bashkëpunojnë me OJQ – të dhe mediet që kanë mandat monitorues dhe informues”, përfundon njoftimi.
Promo
Reklamo këtuLufta Prigozhin - Putin
Më shumëNga Rubrika
Rrahet anketuesi i regjistrimit të popullsisë, policia arreston tre të dyshuarit në Pejë
Dyshohet se ia publikoi fotografi eksplicite një vajze, arrestohet i dyshuari në Viti
Prishtinë, një shtetas i Shqipërisë hyn në dhomën e një hoteli dhe kryen vjedhje
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak