Përplasje mes Adelina Ismailit dhe Genta Ismajlit?

“Koha e Adelina Ismailit ka mbaruar”, kjo ka qenë deklaratat e Genta Ismajlit, e cila thuhet se ka lënduar jo vetëm Adelinen por edhe motrën e saj Zanfinën, e cila jep versionin e vet për rastin dhe për deklaratat e këngëtares nga Prishtina.

Siç transmeton Albeu, Zanfina në një prononcim në lidhje me raportet mes Gentës dhe Adelinës është shprehur: “Pleqtë thonë mos bëj hap pa parë”, ndërsa fjalia tjetër që mund të them në këtë rast është : “sot ti nesër unë, bota është portokalli” tha Zanfina, duke justifikuar deklaratën e Gentës, e cila sipas saj ka folur nga jomodestia.

“Adelina ka qenë është do të jetë gjithmonë numër 1 për të gjitha gjërat”, tha Zanfina duke ju përgjigjur kështu koleges së saj.

Ndërsa pyetjes nëse sipas saj , e ka arritur Genta suksesin e Adelinës meqenëse ka deklaruar se “tani është koha ime”, Zanfina është përgjigjur shkurt: “Po ta kishte arritur Genta suksesin e Adelinës, atëherë Adelina nuk do ishte përmendur më, por Adelina vijon ende të përmendet për sukseset e saj”, ka thënë motra e këngëtares, Zanfina Ismaili.

Mesa duket konflikti i Genta Ismajlit me Adelina Ismailin nuk ka ekzistuar ndonjëherë . E kontaktuar nga Bluetooth këngëtarja ka mohuar të ketë thënë diçka të tillë për Adelinën, teksa shprehet se nuk e ka përmendur ndonjëherë, por ende nuk dihet se përse motra e Adelinës, Zanfina është shprehur ashtu.

Kujtojmë që një prej zënkave më të përfolura të yjeve tona ka qenë ajo ndërmjet Adelinës dhe Leonora Jakupit.