Portieri fëmijë që po ‘çmend’ Francën dhe stopoi sonte PSG-në (Foto/Video)

Portieri 17 vjeçar i Toulouse, sonte priti të gjitha goditjet që erdhën në portën e duke e ndihmuar ekipin e tij për ta mposhtur PSG-në (2-0).

Alban Lafont, nga emri mund të ju duket që ka lidhje me shqiptarët, por realisht nuk e lidhë asgjë.

Ai ka lindur në Ouagadougou që është kryeqytetit i Burkina Fasos. Babai i tij është francez ndërsa nënë nga Burkina Faso.

Ai ka pasur një fëmijëri të vështirë pasi prindërit u ndanë kur ai ishte vetëm nëntë vjeç, ndërsa vendosi të jetoj më babanë në Francë.

Nëna e tij vazhdoi karrierën në politikë, ndërsa ishte edhe ministre në shtetin afrikan. Djaloshi vjen nga një familje sportive, pasi gjyshi i tij ishte futbollist, ndërsa e ëma hendbolliste.

Djaloshi kishte edhe një tragjedi familjare së fundmi, pasi në janar u vranë disa nga anëtarët e familjes në një sulm në Ouagadougou.

Alban Lafont është lojtari më i ri që ka luajtur ndonjëherë në Ligue 1. Ai ka debutuar me 16 vjet e 310 ditë dhe tashmë ka mbi 30 paraqitje me ekipin e parë të Tuolouse, ndërsa ka qenë pjesë e Kombëtares francez U-16 dhe tani është në U-17.

Pas ndeshje me PSG-ne tha se të gjithë ëndërrojnë të fitojnë ndeshje si kjo.

Lafont ka pranuar vetëm pesë gola në shtatë ndeshje që e shndërron në një prej portierëve më të mirë në Francë. Për të interesim ka shfaqur Arsenali.

Pas kësaj fitoreje skuadra e djaloshit është në vendin e dytë me 14 pikë. /Telegrafi/