Ministri i Infrastrukturës Lutfi Zharku me bashkëpunëtorë dhe kryetari i Komunës së Lipjanit Imri Ahmeti përuruan fillimin e punimeve për asfaltimin e rrugës Gadime e Epërme-Smallushë-Sllovi në komunën e Lipjanit.
Ministri Zharku falënderoi kryetarin Ahmeti dhe banorët e kësaj zone për mirëpritje dhe i siguroi ata se Ministria e Infrastrukturës do të vazhdojë të investojë projekte të tjera këtë vit dhe vitin e ardhshëm në përmirësimin e infrastrukturës lokale në komunën e Lipjanit.
“Kryetar, fillimisht të falënderoj për ftesën që keni bërë për të vizituar këtë zonë dhe së bashku me të gjithë këta bashkëqytetarë tuaj për të përuruar punimin në këtë rrugë të rëndësisë së posaçme për banorët e Smallushës, Gadimes së Epërme edhe të Sllovisë. Ky investim është në vlerë 440 mijë euro dhe gjatësia e rrugës është 5 kilometra. Përveç kësaj, ju e dini se tanimë jemi në procedura të prokurimit për fillimin e projekteve tjera infrastrukturore në komunën e Lipjanit, e që do të vazhdojmë me rehabilitimin e rrugës Lipjan-Magurë, dy rrethrrotullimeve që janë shumë të rëndësishme, rrethrrotullimi i Janjevës dhe ai te Burgu i Lipjanit. Në anën tjetër ne bashkërisht kemi biseduar që vitin e ardhshëm të përfshihen edhe disa projekte të tjera në përputhje me prioritetet që i keni ju si Komunë dhe që po bëhen në bashkëpunim me të gjithë qytetarët tuaj. Ju falënderoj ju për projektet që po i bashkëfinancojmë. Ne po kontribuojmë në rregullimin e infrastrukturës lokale. Jam i bindur se një infrastrukturë shumë më e mirë po mundëson zhvillim ekonomik më të mire dhe natyrisht zhvillim të bujqësisë. Ju falënderoj edhe njëherë për këtë pritje të mire”, theksoi ministri Zharku.
Ndërsa, kryetari Ahmeti falënderoi ministrin Zharku për mbështetjen e madhe në përmirësimin e infrastrukturës lokale në komunën e Lipjanit.
“Po e asfaltojmë një rrugë të një rëndësie shumë të madhe sepse kjo rrugë lidhë fshatrat me shumë banorë. Banorët e Sllovisë dhe Gadimes nuk do të kenë nevojë të dalin në rrugën magjistrale, por do ta kenë mundësinë përmes kësaj rruge, e cila lidh një pjesë të madhe të popullatës, diku rreth 20 mijë banorë të këtij regjioni. Unë e falënderoj ministrin Zharku edhe në emrin tuaj, që gjeti mundësi financiare për të filluar ndërtimin e kësaj rruge. Besoj se do të jetë një arterie e mirë e rrugës dhe në perspektivë do të ndikojë shumë në zhvillimin e kësaj zone. Faleminderit shumë Ministër dhe posaçërisht i falënderoj banorët e kësaj zone për bashkëpunim të madh në realizimin e këtij projekti”, theksoi kryetari Ahmeti.
Ky investim i Ministrisë së Infrastrukturës ka një gjatësi prej 5 kilometra, ndërsa vlera e realizimit të tij është 439,916.54 euro.
Ministria e Infrastrukturës do të investojë edhe projekte të tjera kapitale në këtë komunë siç janë: rruga “Lipjan- Magurë”, disa rrethrrotullime në Lipjan dhe një arterie e re që lidhë qytetin e Lipjanit me magjistralen Prishtinë – Hani i Elezit, që do të fillojë së realizuari në fillim të vitit 2017. /Telegrafi/
Promo
Reklamo këtuLufta Prigozhin - Putin
Më shumëQysh bohet kerri i vogël, kerr i ri!
Hypi kerrit e nisu për n’Grand Blue Fafa këtë vikend
Bëhu banor i kryeveprës së Prizrenit - Grand Residence
Policia me apel për qytetarët: Kujdes nga mashtrimi përmes investimeve të dyshuara online
Franca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City