A do ta lindë Teuta fëmijën në ditëlindjen e Adonisit?

Teuta Krasniqi është në pritje të fëmijës së dytë, ndërsa thotë se në këtë shtatzëni ka kaluar shumë mirë dhe nuk ka shtuar shumë në peshë.

Në një intervistë për Kolona.al, aktorja ka treguar datën se kur do të sjellë në jetë fëmijën dhe kështu ka hedhur poshtë raportimet e mëhershme se do ta lindë në të njëjtën ditë kur burri i saj, Adonis Morina, e ka ditëlindjen.

Lexo po ashtu Dhurata e përjetshme e Teutës për burrin e saj (Video)

“Edhe një muaj më ka mbetur kohë deri te termini për të lindur, besoj diku nga 27 shtatori. Po e them kështu datën sepse sikurse në lindjen e parë ashtu edhe tash do të lindi në këtë mënyrë”.

“Besoj se do të lindi një javë para ditëlindjes së Adonisit. Pasi që lindi me prerje cezariane, do të lindi pak ma herët, një javë…nuk guxoj në ditën e fundit të terminit. Lindja nuk do të bëhet në ditën e lindjes së Adonisit”.

“Ditëlindja e Adonisit do të festohet veçmas, e ditëlindjet e vajzave veçmas. Secili në ditën e vet…”, ka thënë aktorja për Kolona.al.

Kujtojmë që Teuta ka edhe një vajzë nga martesa me këngëtarin Blero Muharremi.