LAJMI I FUNDIT:

Futbolli është i Kosovës – nuk është i juaji, por i yni

Futbolli është i Kosovës – nuk është i juaji, por i yni

Lavdim Pireva

Kemi pritur me vite. Kemi marrë premtime dhe fjalë të mëdha. Kemi qenë të bindur se ata do të vijnë dhe do të bashkohen me vendin e tyre që ka vuajtur aq shumë dhe është i etur për gëzime dhe fitore.

Kosova është pranuar në UEFA dhe në FIFA, me shumë vonesë, por u pranua dhe kishte ardhur momenti që të shpërthejmë në botën e futbollit.


Në letër kishim emra të mëdhenj të futbollit, si: Valon Behrami, Granit Xhaka, Xhedan Shaqiri, Adnan Januzaj, Përparim Hetemaj, Taulant Xhaka, Etrit Berisha, Mërgim Mavraj… dhe, një skuadër e madhe është e garantuar.

Por, kur erdhi dita që shumë nga këta futbollistë të bëjnë atë që kishin thënë me vite, atëherë gjithçka ndryshoi.

Shumë shqiptarë të Kosovës kishin pritur me vite që ta shohin Behramin, Xhakën dhe Shaqirin të luajnë në Prishtinë dhe Mitrovicë, por përgjigjja e tyre ua theu zemrën.

Madje, shumë nga këtë shqiptarë i mbronin me fanatizëm kur merrnin akuza, se pse nuk u bashkuan me Shqipërinë dhe se ishin tradhtarë.

Ata nuk erdhën, por ne nuk jemi dorëzuar…

Kosova gjithmonë do të lartësohet nga djemtë që i janë përgjigjur kur ka qenë nevoja dhe ne tani kemi shumë djem të talentuar në skuadër, si: Samir Ujkanin, Loret Sadikun, Milot Rashicën, Arbër Zenelin, Bernard Berishën, Bersant Celinën, Vedat Muriqin e shumë të tjerë që janë rritur në Kosovë.

Ne do të kemi gëzime të mëdha në futboll, pasi ne jetojmë për këtë lojë.

Një gjë e fundit: Federata e futbollit të Kosovës duhet të dalë me një deklaratë të qartë dhe ta shpjegojë pse nuk kanë ardhur këta futbollistë të luajnë për Kosovën.

Duhet të tregohet kush është ftuar dhe nuk ka ardhur, kush nuk e ka hapur as telefonin e nuk ka pranuar as bisedime, e kush ka dashur të vijë e nuk ka mundur.

Ne duhet ta dimë se edhe ju a ishit të aftë që të bashkëpunoni dhe t’i ofroni këta djem, pasi më e nevojshme për kryetarin Fadil Vokrri do të ishte një vizitë në Angli sesa në plazhet e Rios.

Presim përgjigje nga ju, pasi futbolli i Kosovës, nuk është i juaji, por i yni.

Në trend

Më shumë
Gjesti rrezikon eliminimin nga Big Brother, pasi nuk dëshiron ta kryejë dënimin e Vëllait të Madh

Gjesti rrezikon eliminimin nga Big Brother, pasi nuk dëshiron ta kryejë dënimin e Vëllait të Madh

Magazina
Emina Çunmulaj flet për partnerin: Burrin e kam persian, unë persianët dhe shqiptarët nuk di t'i ndaj - jemi pothuajse njësoj

Emina Çunmulaj flet për partnerin: Burrin e kam persian, unë persianët dhe shqiptarët nuk di t'i ndaj - jemi pothuajse njësoj

Magazina
Dikur legjendë e tenisit ndërsa sot në një karrige me rrota, Anna Kournikova ngjall shqetësime në daljen e parë publike pas dy vjetësh

Dikur legjendë e tenisit ndërsa sot në një karrige me rrota, Anna Kournikova ngjall shqetësime në daljen e parë publike pas dy vjetësh

Magazina
Tifozët e futbollit nuk mund ta besojnë se për sa po shitet Mitoma te Al Nassr

Tifozët e futbollit nuk mund ta besojnë se për sa po shitet Mitoma te Al Nassr

Ligat tjera
Afati kalimtar i janarit: Transferimet minutë pas minute, emra të mëdhenj në bisedime

Afati kalimtar i janarit: Transferimet minutë pas minute, emra të mëdhenj në bisedime

Një grua humb jetën pas rënies nga një ndërtesë në Prishtinë

Një grua humb jetën pas rënies nga një ndërtesë në Prishtinë

Kronika e Zezë
Kalo në kategori